قومی

BHU Campus Vidroh: بی ایچ یو میں ہنگامہ! دو گھنٹے تک پتھراؤ اور مارپیٹ، پولیس نے چلائیں لاٹھیاں ، جانیے کیا ہے پورا معاملہ؟

بنارس ہندو یونیورسٹی (بی ایچ یو) کا کیمپس منگل کی دیر رات ایک تناؤ بھری فضا میں تبدیل ہو گیا۔ معمولی سا جھگڑا اچانک سنگین رخ اختیار کر گیا اور طلبہ و سکیورٹی گارڈز کے درمیان تکرار شدید نوبت تک پہنچ گئی۔ دیکھتے ہی دیکھتے حالات بگڑ گئے اور کیمپس میں زبردست ہنگامہ برپا ہو گیا۔ پولیس کو طلبہ کو منتشر کرنے کے لیے لاٹھی چارج کرنا پڑا، لیکن اس کے باوجود طلبہ نے کئی گھنٹوں تک پتھراؤ جاری رکھا۔

کیا ہے پورا معاملہ؟

اصل میں تنازع کی شروعات اس وقت ہوئی جب راجارام ہاسٹل کے ایک طالبعلم کو کیمپس میں ایک گاڑی نے ٹکر مار دی۔ اس واقعے کے بعد بڈلا ہاسٹل سمیت دیگر طلبہ نے احتجاج کیا اور پروکٹیریل بورڈ کے دفتر جا کر شکایت درج کرانے کی کوشش کی۔ اسی دوران دونوں جانب سے بحث اتنی بڑھ گئی کہ معاملہ ہاتھ سے نکل گیا۔

اس کے بعد چوراہے سے لے کر ایل ڈی گیسٹ ہاؤس تک طلبہ نے شدید توڑ پھوڑ اور پتھراؤ کیا۔ ہاتھوں میں راڈ اور ڈنڈے لیے ہوئے طلبہ نے سکیورٹی اہلکاروں پر حملہ کیا اور ایل ڈی چوراہے پر رکھی کرسیاں بھی توڑ ڈالیں۔ سڑک کنارے کھڑی کئی گاڑیوں کو نقصان پہنچا۔ پولیس کی کارروائی میں کئی طلبہ زخمی ہوئے۔

پولیس اور پی اے سی کی تعیناتی

حالات بگڑنے پر بی ایچ یو انتظامیہ نے پولیس اور پی اے سی کو طلب کیا۔ دس چوکیوں اور پانچ تھانوں کی فورس کیمپس میں تعینات کی گئی۔ اے سی پی بھیلوا پور کی قیادت میں پولیس نے گشت کر کے صورتحال پر قابو پایا۔ فی الحال کیمپس میں امن ہے تاہم کشیدگی اب بھی برقرار ہے۔

ACP نے کیا بتایا؟

اے سی پی گورَو کمار نے بتایا کہ طلبہ اور سیکیورٹی گارڈز کے درمیان جھگڑا ہوا تھا۔ پروکٹر کی اطلاع پر پولیس موقع پر پہنچی اور حالات کو سنبھالا۔ ابھی تک بی ایچ یو انتظامیہ کی طرف سے کوئی تحریری شکایت نہیں دی گئی ہے۔ پولیس کا کہنا ہے کہ شکایت ملنے کے بعد ہی آگے کی کارروائی کی جائے گی۔

بھارت ایکسپریس اردو۔

Abul Kalam

Recent Posts

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

10 minutes ago

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

2 hours ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago