Bharat Express Urja Summit: ریاست مہاراشٹر 2070 تک کاربن سے پاک ہوجائے گا، اُرجا سمٹ میں مہاراشٹر بجلی بورڈ کے ڈائریکٹر وشواس پاٹھک کا دعویٰ

مہاراشٹر میں بھارت ایکسپریس کے بینر تلے منعقدہ ارجا سمٹ میں مہاراشٹر بجلی بورڈ ڈائریکٹر وشواس پاٹھک نے شرکت کی اور بھارت ایکسپریس کے سوالوں کا سامنا کیا۔ انہوں نے سمٹ میں سوالوں کا جواب دیتے ہوئے کہا کہ مہاراشٹر ملک بھر میں سب سے زیادہ بجلی پیدا کرنے والی ریاست ہے۔کسانوں کو موجودہ سرکار بجلی پر سبسیڈی دے رہی ہے تاکہ کسانوں کو راحت ملے۔ انہوں نے یہ بھی کہا کہ ہمیں جہان بھی سستی بجلی ملتی ہے ،ہم وہاں سے خرید کر مہاراشٹر میں استعمال کرتے ہیں،انہوں  نے یہ بھی کہا کہ 2070 تک مہاراشٹر کاربن سے پاک ہوجائے گا۔

انہوں نے مزید کہا کہ مہاراشٹر کا پاور سیکٹر تیز رفتاری سے کام کر رہا ہے اور مہاراشٹر کے ڈپٹی سی ایم دیویندر فڑنویس نے بجلی پیدا کرنے کے شعبے میں بہت  اہم کام کیا ہے۔اہم بات یہ بھی ہے کہ مہاراشٹر میں کوئلہ وافر مقدار میں موجود ہے۔سب سے اچھی بات یہ ہے کہ حکومت صارفین کی ضروریات کو مدنظر رکھتے ہوئے کام کر رہی ہے۔مہاراشٹر بجلی بورڈ کے ڈائریکٹر نے مزید کہا کہ کسانوں کو بجلی کی کل پیداوار کا 30 فیصد درکار ہے۔ اور ہم صارفین کو کم قیمت پر بجلی فراہم کرنے کی کوشش کررہے ہیں ،بڑی بات یہ بھی ہے کہ شمسی توانائی کے شعبے میں کافی تحقیق کی جا رہی ہے۔

 بھارت ایکسپریس۔