Atiq and Ashraf shot dead: صحافی بن کر آئے اور ماردی گولی، عتیق احمد-اشرف احمد کا قتل کرنے والے حملہ آور کون ہیں؟

عتیق احمد اور اشرف کا قتل کردیا گیا۔

اترپردیش کے پریاگ راج میں عتیق احمد اور اس کے بھائی اشرف پر تابڑتوڑ فائرنگ کرکے قتل کئے جانے کے بعد ہنگامہ مچ گیا۔ پولیس حراست کے درمیان اس طرح میڈیا کیمروں کی موجودگی میں حملہ آوروں نے ایسی حرکت کردی، جس کا شاید کسی نے تصور نہیں کیا ہوگا، لیکن حادثہ کے بعد پولیس سوالوں کے گھیرے میں ضرور آگئی ہے۔ بتایا گیا ہے کہ تینوں حملہ آور میڈیا اہلکار بن کروہاں پہنچے تھے۔ پولیس نے حملہ آوروں کی گرفتاری سے لے کر ان کی پہچان کئے جانے کا دعویٰ کیا ہے۔

عتیق احمد اور اشرف احمد پر گولی چلانے والے جن تین حملہ آوروں کو پولیس نے گرفتار کرلیا ہے، ان تینوں حملہ آوروں کی پہچان کرلی گئی ہے۔ حملہ آور صحافی بن کر وہاں پہنچے تھے۔ ان کے پاس ہتھیار تھے اور جیسے ہی عتیق احمد اور اشرف احمد میڈیا کے سوالوں کا جواب دینا شروع کر رہے تھے، تبھی ان پر گولیاں برسا دی گئیں۔ ان ملزمین کے نام سنی، ارون اور لولیش بتائے گئے ہیں۔

حادثہ کے بعد یوگی حکومت ایکشن میں

حادثہ کے سامنے آنے کے بعد سے ہی اس پر حکومت ایکشن موڈ میں آگئی ہے۔ معاملے کی جانچ کے احکامات بھی دیئے گئے ہیں۔ خود وزیراعلیٰ یوگی آدتیہ ناتھ اس حادثہ پر نظر بنائے ہوئے ہیں۔ وزیراعلیٰ نے اس گولی سانحہ پر فوراً ہی رپورٹ طلب کی ہے، جس کے بعد وزیراعلیٰ یوگی آدتیہ ناتھ سے ملنے اسپیشل ڈی جی پہنچے۔ حکومت کی اس پورے سانحہ پر گہری نظر ہے، جس طرز پر تابڑ توڑ گولیاں برسائی گئیں، اس سے پولیس بھی سکتے میں آگئی ہے۔

میڈیا اہلکار بن کر آئے تھے حملہ آور

وہیں، پریاگ راج کے کمشنر رمت شرما نے کہا کہ حملہ آور میڈیا اہلکار بن کر آئے تھے۔ تین افراد کو پکڑا گیا ہے اور ان سے پوچھ گچھ جاری ہے۔ ایک ہمارے پولیس اہلکار زخمی ہوئے ہیں۔ عتیق احمد-اشرف احمد کو میڈیکل کے لئے لایا گیا تھا۔ تبھی یہ حادثہ پیش آیا۔ ابھی حملہ آوروں سے پوچھ گچھ جاری ہے۔

یہ بھی پڑھیں: Atiq Ahmed Shot Dead: عتیق احمد اور شرف کی سیکورٹی میں تعینات 17 پولیس اہلکار معطل، پورے یوپی میں دفعہ 144 نافذ

عدالتی جانچ کمیشن کا اعلان

اترپردیش واقع پریاگ راج میں عتیق احمد اور اشرف احمد کے قتل کے بعد وزیراعلیٰ یوگی آدتیہ ناتھ نے اہم اعلان کیا ہے۔ وزیراعلیٰ نے اس معاملے میں عدالتی کمیشن کا اعلان کیا ہے۔ ایک بیان میں کہا گیا- اترپردیش کے وزیراعلیٰ یوگی آدتیہ ناتھ نے پریاگ راج کے حادثہ کا نوٹس لیا۔ بتایا گیا ہے کہ وزیراعلیٰ یوگی آدتیہ ناتھ نے فوری طور پراعلیٰ سطحی میٹنگ بلائی اور پورے معاملے کی اعلیٰ سطحی جانچ کے احکامات دیئے۔ وزیراعلیٰ نے تین رکنی جوڈیشیل کمیشن (عدالتی جانچ کمیشن) کی تشکیل کے احکامات بھی دیئے۔ تینوں حملہ آور موقع پر پکڑے گئے ہیں۔ پولیس معاملے کی جانچ کر رہی ہے۔

-بھارت ایکسپریس

Nisar Ahmad