Lok Sabha Election 2024: اکھلیش یادو کی پی ڈی اے کے خلاف پی ڈی ایم لائے اویسی، یوپی میں بگاڑیں گے کانگریس-سماجوادی پارٹی کا گیم

ایک بیان میں کرشنا پٹیل کی قیادت والی پارٹی نے کہا کہ اس نے اگلی اطلاع تک لوک سبھا الیکشن کے لئے اعلان کئے گئے امیدواروں کی فہرست منسوخ کردی ہے۔ اس سے پہلے پارٹی نے تین سیٹوں پرالیکشن لڑنے کی بات کہی تھی۔ اپنا دل نے 2022 میں ہوئے یوپی اسمبلی الیکشن میں سماجوادی پارٹی کے ساتھ الائنس کیا تھا، جس میں پلوی پٹیل سماجوادی پارٹی کے ٹکٹ پر الیکشن لڑی تھیں اورانہوں نے شاندارجیت بھی حاصل کی تھی۔ انہوں نے ڈپٹی سی ایم کیشو پرساد موریہ کو ہرایا تھا۔

پلوی پٹیل نے سماجوادی پارٹی پر لگایا یہ الزام

پلوی پٹیل کا اکھلیش یادو پرطنزکستے ہوئے کہا کہ پی ڈی اے میں اے سے متعلق کنفیوزن تھا، کبھی وہ اقلیت، کبھی وہ اگڑا یعنی اعلیٰ ذات ہوگیا تو کبھی آل ہوگیا۔ اس کنفیوزن کو دور کرنے کے لئے ہم نے ایم جوڑا ہے۔ پی ڈی ایم کا مطلب پسماندہ-دلت-مسلمان ہے۔ سماجوادی پارٹی سے الائنس توڑنے کے بعد پلوی پٹیل نے سماجوادی پارٹی کے سربراہ اکھلیش یادو پرتنقید کی تھی اورکہا تھا کہ 2017 میں سماجوادی پارٹی کے 47 ایم ایل اے تھے۔ سال 2002 میں اوم پرکاش راج بھر، سنجے چوہان، کیشودیو موریہ، جینت چودھری، راج ماتا کرشنا پٹیل آئے۔ پھر آپ 47 سے 111 پرپہنچ گئے اور آپ کو 34 فیصد ووٹ ملے۔ آپ کو اچانک لگنے لگا کہ یہ 34 فیصد اکیلے آپ کے ووٹ ہیں اور آپ کو کسی کی حمایت کی ضرورت نہیں ہے۔