Arvind Kejriwal Interim Bail: اروند کیجریوال کو سکریٹریٹ جانے کی اجازت نہیں، جانئے سپریم کورٹ سے کن شرائط پر ملی ضمانت؟

نئی دہلی: دہلی شراب پالیسی مبینہ بدعنوانی معاملے میں جیل میں بند اروند کیجریوال کو سپریم کورٹ سے بڑی راحت مل گئی ہے۔ سپریم کورٹ نے جمعہ کے روز کیجریوال کو یکم جون تک عبوری ضمانت دے دی ہے۔ سپریم کورٹ نے لوک سبھا الیکشن کو دیکھتے ہوئے یہ قدم اٹھایا ہے۔ سپریم کورٹ نے کیجریوال کو راحت دیتے ہوئے یہ بھی واضح کردیا ہے کہ اس عبوری ضمانت پرکسی بھی طرح کی رائے طے نہیں کی جائے۔ کیجریوال کو عبوری ضمانت دیتے ہوئے اس سپریم کورٹ نے دہلی کے وزیراعلیٰ کے لئے کئی شرائط بھی رکھی ہیں۔

سپریم کورٹ نے اپنے حکم میں کہا ہے کہ عبوری ضمانت پر باہرجانے کے بعد دہلی کے وزیراعلیٰ اروند کیجریوال سی ایم آفس میں نہیں جائیں گے۔ اس کے ساتھ ساتھ وہ سکریٹریٹ بھی نہیں جائیں گے۔ بغیرلیفٹیننٹ گورنر کی منظوری کے وہ کسی بھی فائل پردستخط بھی نہیں کریں گے۔ اس کے علاوہ دہلی شراب پالیسی معاملے میں اپنے کردار سے متعلق وہ کہیں بھی کسی بھی طرح کا کوئی بیان نہیں دیں گے اور نہ ہی وہ کسی گواہ سے رابطہ کریں گے۔

فیصلے پرکسی طرح کی رائے طے نہیں کرنے کا حکم