Arvind Kejriwal Resignation: اروند کیجریوال نے وزراء اور AAP لیڈروں سے ون ٹو ون میٹنگ کی، سی ایم کے چہرے پر کیا مشورہ

عام آدمی پارٹی نے دہلی اسمبلی الیکشن کے لئے دوسری فہرست جاری کردی ہے۔

Arvind Kejriwal Resignation: عام آدمی پارٹی کی سیاسی امور کی کمیٹی (PAC) کی میٹنگ ختم ہو گئی ہے۔ یہ میٹنگ تقریباً ایک گھنٹے تک جاری رہی۔ AAP میٹنگ کے بعد وزیر سوربھ بھاردواج نے کہا کہ AAP لیڈر اور موجودہ کابینہ کے وزراء اس میں موجود رہے۔ سی ایم کیجریوال نے تمام لیڈروں سے ون ٹو ون فیڈ بیک لیا۔ Legislative Party کا اجلاس کل ہوگا۔ اس اجلاس میں وزیراعلیٰ کے نام کا فیصلہ کیا جائے گا۔

کل وزیر اعلی کے نام کا اعلان کریں گے – سوربھ بھاردواج

سوربھ بھردواج نے کہا کہ ون ٹو ون میٹنگ ہوئی ہے، اس لیے کسی کو دوسرے کے نام کی تجویز کا علم نہیں ہے۔ سب کو اپنا نام ہی پتہ ہے جو اس نے تجویز کیا ہے۔ جب ان سے نام کے بارے میں سوال پوچھا گیا تو انہوں نے کہا کہ وہ اس کا اعلان کل قانون ساز پارٹی کے اجلاس کے بعد کریں گے۔

سی ایم کے چہرے پر سسپنس برقرار

عام آدمی پارٹی (اے اے پی) کے کنوینر اروند کجریوال کے بعد دہلی کا اگلا وزیر اعلیٰ کون ہوگا؟ فی الحال اس سوال پر سسپنس برقرار ہے۔ ملک کے دارالحکومت کے سیاسی گلیاروں میں جہاں ایک طرف عام آدمی پارٹی کے تقریباً پانچ بڑے لیڈروں کے نام وزیراعلیٰ کے امیدوار کی دوڑ میں سرفہرست ہیں ،وہیں دوسری طرف یہ بھی سامنے آیا کہ نئے وزیراعلیٰ کے انتخاب میں کون اہم کردار ادا کرے گا۔

یہ بھی پڑھیں- Next CM of Delhi: دہلی کا نیا سی ایم کون ؟ آتشی،کیلاش یا سنیتاکجریوال، جانئے کس کی کھل سکتی ہے قسمت

دہلی کے وزیراعلیٰ کی دوڑ میں کون کون سے نام آگے ہیں؟

اروند کجریوال کے بعد دہلی کا وزیراعلیٰ کون ہوگا، فی الحال اس دوڑ میں ایک ساتھ کئی نام چل رہے ہیں اور الگ الگ دعویداری کا بھی اندازہ لگایا جارہا ہے، جن ناموں کو سب سے آگے دیکھا جارہا ہے ان میں آتشی،سوربھ بھاردواج،راگھو چڈا،گوپال رائے،کیلاش گہلوت اور سنیتا کجریوال کا نام ہے۔درحقیقت، اروند کجریوال، جنہیں ایکسائز پالیسی سے متعلق مبینہ کرپشن کیس میں تہاڑ جیل سے ضمانت پر رہا کیا گیا تھا، نے اتوار (15 ستمبر 2024) کو ایک بڑا اعلان کیا۔ انہوں نے کہا کہ وہ دو دن بعد دہلی کے وزیر اعلیٰ کے عہدے سے استعفیٰ دے دیں گے۔ وہ اس کرسی پر اس وقت تک نہیں بیٹھیں گے جب تک عوام انہیں ‘ایمانداری کا سرٹیفکیٹ’ نہیں دے دیتی۔

-بھارت ایکسپریس

Mohd Sameer