Akhilesh Yadav on Election Commission: اکھلیش یادونے الیکشن کمیشن کوبتایا جھوٹا، موبائل میں دکھائے’ثبوت‘، کہا- پرنٹ کراکرلاؤں گا

نئی دہلی: سماجوادی پارٹی کے صدراکھلیش یادونے پیر، (18 اگست) کوالیکشن کمیشن آف انڈیا پرتنقید کرتے ہوئے انہیں جھوٹا قراردیا۔ قنوج سے رکن پارلیمنٹ اکھلیش یادو کا یہ بیان چیف الیکشن کمشنرگیانیش کمارکے ذریعہ ‘ووٹ چوری’ اوردیگربے ضابطگیوں سے متعلق اپوزیشن کے الزامات کوغلط بتائے جانے کے بعد آیا ہے۔ یوپی کے سابق وزیراعلیٰ نے موبائل دکھاتے ہوئے کہا کہ میں رسید دینا چاہتا ہوں۔ یہ ریسیپٹ (رسید) ہیں۔ میں ابھی پرنٹ آؤٹ لا رہا ہوں آپ کے لئے۔

اس کے ساتھ ہی اکھلیش یادو نے کہا کہ ہمارا مطالبہ اتنا ہے کہ ایک توذات کی بنیاد پربی ایل اومت لگائیے۔ آپ اترپردیش کے اعدادوشمار نکلوائیے، الیکشن جس افسرکی نگرانی میں ہوتا ہے، اس میں ایک بھی پی ڈی اے کے افسرہوں توبتا دینا۔ انہوں نے کہا کہ جب سے بی جے پی کی حکومت آئی ہے، ایک بھی افسرشکایت پرہٹا ہوتوبتا دو۔ اس کا مطلب الیکشن کمیشن بی جے پی کا زیادہ کہنا مانتا ہے۔

اکھلیش یادو نے کردیا یہ بڑا مطالبہ

انہوں نے کہا کہ ووٹ بنوانے کا اگرعمل ہے توووٹ کٹوانے کا بھی عمل ہے، ہمارا مطالبہ اتنا ہے کہ ایک ڈسٹرکٹ مجسٹریٹ (ڈی ایم) کو معطل کردو، پورے ملک میں ایک بھی ووٹ نہیں کٹے گا۔ 2019، 2022 اور 2024 میں ایک بھی افسرہٹا ہوتوبتا دو۔ اکھلیش یادونے کہا کہ یہ جان بوجھ کر پچھڑوں (پسماندہ طبقات) کا ووٹ کاٹتے ہیں، اس میں بند، موریہ، پال، راٹھور، سماج سب شامل ہیں اورشو(دکھاتے) یہ کرتے ہیں کہ پچھڑوں کا ووٹ مل رہا ہے۔ پچھڑوں کا ووٹ کاٹ دیتے ہیں لسٹ سے، اورآپ الیکشن جیت لیتے ہیں۔ سچائی یہ ہے کہ ان کا ووٹ ڈیلیٹ ہو رہا ہے۔

بی جے پی جائے توسچائی آئے: اکھلیش یادو

اس سے پہلے اتوارکے روزاکھلیش یادونے کہا تھا کہ الیکشن کمیشن، جودعویٰ کرتا ہے کہ اترپردیش میں سماجوادی پارٹی کی طرف سے دیئے گئے حلف نامے نہیں ملے ہیں، ان حلف ناموں کی رسید کودیکھنا چاہئے۔ انہوں نے ایکس پرلکھا تھا، ‘الیکشن کمیشن جوکہہ رہا ہے کہ ہمیں اترپردیش میں سماج وادی پارٹی کی طرف سے دیئے گئے حلف نامے نہیں ملے ہیں، اسے ہمارے حلف ناموں کی وصولی کے ثبوت کے طورپراپنے دفترکی طرف سے دیئے گئے اعتراف کودیکھنا چاہئے۔’