قومی

Prime Minister Narendra Modi: آئی آئی ٹی کھڑگپور میں پی ایم مودی نے نوجوانوں، اختراع اور بدلتے ہندوستان کی تصویر پر کھل کر کی بات

نئی دہلی : وزیر اعظم نریندر مودی نے ہفتہ، 21 نومبر 2026 کو مغربی بنگال کے آئی آئی ٹی کھڑگپور کی پلاٹینم جوبلی تقریب میں شرکت کی۔ ملک کے پہلے انڈین انسٹی ٹیوٹ آف ٹیکنالوجی کے 75 سال مکمل ہونے کے موقع پر منعقدہ اس پروگرام میں پی ایم مودی نے نوجوانوں، اختراع اور بدلتے ہندوستان کے بارے میں تفصیل سے اپنی بات رکھی۔انہوں نے کہا کہ قومیں اپنی صلاحیتوں کو اسی وقت پہچانتی ہیں ،جب وہ اپنی سوچ کی حدود کو توڑتی ہیں۔ ہندوستان نے دنیا کو ’حدود توڑو، امکانات کے نئے دروازے کھولو‘ کا پیغام دیا ہے۔

بنگال میں خیالات کو ملتی ہے طاقت

کلائی کنڈا فضائیہ کے اڈے پر اترنے کے بعد سڑک کے راستے آئی آئی ٹی کھڑگپور پہنچے پی ایم مودی نے کہا کہ اس ڈائمنڈ جوبلی تقریب میں ان کے سامنے ہندوستان کا ماضی، حال اور مستقبل، تینوں ایک ساتھ موجود ہیں۔سال 1951 میں قائم ملک کے پہلے آئی آئی ٹی کے 75 سالہ سفر کا ذکر کرتے ہوئے انہوں نے کہا کہ اس دوران ہندوستان نے بیل گاڑی سے بلٹ ٹرین اور ڈاک کے خطوط سے سوشل میڈیا پیغامات تک کا سفر طے کیا ہے۔ اس تبدیلی میں کھڑگپور کے ادارے کا اہم کردار رہا ہے۔

50 سال پہلے چپ بنانے آئی کمپنی کا کیا ذکر

اپنے خطاب کے دوران پی ایم مودی نے سیمی کنڈکٹر سے لے کر غربت کے خاتمے تک کئی اہم موضوعات پر بات کی۔ انہوں نے کہا کہ تقریباً 50 سال پہلے ہندوستان میں سیمی کنڈکٹر بنانے کے لیے آنے والی ایک کمپنی کو لال جھنڈی دکھا کر واپس بھیج دیا گیا تھا، لیکن آج ہندوستان نے چپس برآمد کرنا شروع کر دی ہیں۔غربت کے موضوع پر بات کرتے ہوئے انہوں نے کہا کہ پہلے اسے ایک مستقل مسئلہ سمجھا جاتا تھا۔ لال قلعے سے بیت الخلا بنانے کے اعلان پر بھی مذاق اڑایا گیا تھا، لیکن گزشتہ 12 سے 13 برسوں میں عالمی بینک کی رپورٹ کے مطابق 50 کروڑ لوگ غربت سے باہر آئے ہیں۔

خلائی اسٹارٹ اَپ سے لے کر ادارے کی صد سالہ تقریب کے عزم تک

پی ایم مودی نے کہا کہ خلائی شعبے کو کھولنے سے نوجوانوں کو نئی اڑان ملی ہے۔ آئی آئی ٹی کھڑگپور کے سابق طالب علم پون نے اپنی کمپنی ’اسکائی روٹ ایرو اسپیس‘ کے ذریعے ہندوستان کو پہلا نجی راکٹ لانچ کرنے کا اعزاز دلایا۔انہوں نے ’نیشن فرسٹ‘ اور ’پاور ٹو ایمپاور‘ کے اصولوں پر زور دیتے ہوئے طلبہ اور سابق طلبہ سے اپیل کی کہ جب یہ ادارہ اپنے قیام کے 100 سال مکمل کرے، تب تک ہندوستان ایک ترقی یافتہ ملک بن چکا ہو۔

بھارت ایکسپریس اردو

Abu Danish Rehman

Recent Posts

Adani Energy Solutions Receives LOA: اڈانی انرجی کو مغربی بنگال میں 2500 میگاواٹ قابل تجدید بجلی کی فراہمی کا ملا ٹھیکہ

ابتدائی 1750 میگاواٹ بجلی کی فراہمی یکم جولائی 2028 سے شروع ہوگی۔ وہیں، اضافی 750…

18 minutes ago

PANI Project: اب نہیں رکے گی انڈمان کی ترقی کی رفتار، PANI سب سی کیبل بنے گی CANI کا متبادل، دور دراز دیہات میں بھی پہنچے گا 4G نیٹ ورک

انتظامیہ نے واضح کیا کہ ہر جزیرے اور دور دراز علاقے تک قابل اعتماد ڈیجیٹل…

44 minutes ago