Akhilesh Yadav blame BJP SIR Vote Cutting: اکھلیش یادوکا بڑا الزام، یوپی ہارکے بعد بے چین بی جے پی، ایس آئی آرکے ذریعہ کاٹنا چاہتی ہے ووٹ

نئی دہلی: آج سے پارلیمنٹ کا سرمائی اجلاس شروع ہوگیا ہے۔ سماجوادی پارٹی کے سربراہ اورقنوج سے رکن پارلیمنٹ اکھلیش یادونے پارلیمنٹ کے باہرمیڈیا سے بات کرتے ہوئے بی جے پی پرتنقید کی۔ اکھلیش یادونے کہا کہ بی جے پی جب سے 2024 کا لوک سبھا الیکشن اترپردیش میں ہاری ہے، تبھی سے وہ بے چین ہیں۔ انہوں نے دعویٰ کیا کہ اپنی اس ہارسے بچنے کے لئے بی جے پی اسے ہارسے بچنے کے لئے ایس آئی آرکرارہی ہے۔

انہوں نے کہا کہ بی جے پی کے وسائل کا مقابلہ کوئی نہیں کرسکتا، کچھ نوئیڈا کی کمپنیاں اس کے لئے کام کررہی ہیں۔ انہوں نے الزام لگایا کہ بی جے پی جن بوتھوں پرہاری ہے، وہاں اس نے خاص تیاری کی ہے اورایسے بوتھ سے ایس آئی آر میں زیادہ سے زیادہ ووٹ وہ کاٹنا چاہتی ہے۔ ساتھ ہی اکھلیش یادونے یہ بھی کہا کہ ایس آئی آرایسے وقت میں لایا گیا ہے، جب سب سے زیادہ شادیاں ہیں۔ اس وجہ سے لوگ اپنا ایس آئی آرفارم نہیں بھرپائیں گے۔

بی جے پی کررہی ہے ڈراما

اکھلیش یادو نے الزام لگایا کہ بی جے پی ڈراما کررہی ہے۔ انہوں نے میڈیا کے ایک سوال کا جواب دیتے ہوئے کہا کہ کسی کی جان جانا بھی ڈراما ہے کیا؟بی جے پی ایسا ڈراما کرتی ہے کہ پولیس سے مل کرووٹروں پرریوالورلگا دیتی ہے۔ اس کے علاوہ انہوں نے ایس آئی آرکے دوران ہو رہی بی ایل اوزکی موت پرتشویش ظاہرہے۔

سماجوادی پارٹی کے لیڈران کو دے چکے ہیں پیغام

اکھلیش یادو نے بتایا کہ سماجوادی پارٹی نے یوپی اسمبلی الیکشن میں ٹکٹ کی خواہش رکھنے والوں کوواضح طورپراحکامات دیئے گئے ہیں کہ ایس آئی آرمعاملے میں محنت اورلگن سے کام کرنے والے لیڈران کوٹکٹ کے دوران ترجیح دی جائے گی۔ واضح رہے کہ سماجوادی پارٹی کے کارکنان اورلیڈران اپنے اپنے حلقوں میں لوگوں کے ایس آئی آرفارم بھروانے میں مدد کررہے ہیں تاکہ کسی کا ووٹ نہ کاٹا جاسکے۔

بھارت ایکسپریس اردو۔