Tamil Nadu Road Accident: تمل ناڈو بس حادثہ، پی ایم مودی کا اظہار افسوس، جاں بحق افراد کے لواحقین کیلئے 2 لاکھ اور زخمیوں کیلئے 50 ہزار کا اعلان

تمل ناڈو کے ضلع  شیو گنگا  میں ہونے والے المناک سڑک حادثے میں کم از کم 12 افراد کی جان چلی گئی جبکہ تقریباً 40 افراد زخمی ہوگئے۔ یہ حادثہ اس وقت پیش آیا جب تمل ناڈو حکومت کی دو بسیں کندرا  کوڈی کے قریب ٹکرا گئیں۔ ٹکر اس قدر شدید تھی کہ کئی مسافر موقع پر ہی موت ہوگئی، جب کہ کچھ بس کے اندر پھنس گئے۔ حادثے کے فوراً بعد مقامی لوگوں نے امدادی کارروائیوں میں حصہ لیا اور زخمیوں کو بسوں کے ٹوٹے ہوئے حصوں سے نکال کر  انہیں اسپتال منتقل کیا۔ ہلاک شدگان کی تعداد بڑھنے پر ریسکیو ٹیموں نے رات دیر تک کام جاری رکھا۔

پیر کو وزیراعظم نریندر مودی نے حادثے پر افسوس کا اظہار کرتے ہوئے کہا کہ یہ واقعہ انتہائی دلخراش ہے اور ان کی دعائیں متاثرہ خاندانوں کے ساتھ ہیں۔ وزیراعظم دفتر کی جانب سے سوشل میڈیا پلیٹ فارم ‘ایکس’ پر جاری بیان کے مطابق وزیراعظم نے اعلان کیا کہ پی ایم نیشنل ریلیف فنڈ (PMNRF) سے جاں بحق افراد کے لواحقین کو 2 لاکھ روپے، جب کہ زخمیوں کو 50 ہزار روپے فراہم کیے جائیں گے۔

ابتدائی تحقیقات میں تیز رفتار، کم دکھائی دینے کی صلاحیت یا ڈرائیور کی تھکن کو حادثے کی ممکنہ وجہ بتایا جارہا ہے، قا بل ذکر بات  ہے کہ حکام کا کہنا ہے کہ مکمل تحقیقات کے بعد ہی اصل سبب سامنے آئے گا۔ پولیس اور ٹرانسپورٹ محکمے کے اہلکاروں نے پیر کی صبح جائے حادثہ کا معائنہ کیا اور شواہد اکھٹے کیے۔

زخمیوں کا علاج اس وقت شیو گنگا اور کرائیکوڈی کے اسپتالوں میں جاری ہے۔ کئی مسافروں کی حالت تشویشناک بتائی جا رہی ہے اور انہیں خصوصی طبی نگہداشت میں رکھا گیا ہے۔

بھارت ایکسپریس اردو