Gujarat Building Collapsed: سورت میں کئی منزلہ عمارت گرنے سے 7 افراد ہلاک، رات بھر جاری رہا ریسکیو آپریشن، ملبے سے نکالی گئیں لاشیں

Gujarat Building Collapsed: سورت کے سچن پالی گاؤں میں ہفتہ (6 جولائی) کو حادثہ پیش آیا۔ یہاں ایک چھ منزلہ عمارت گر گئی، جس کی وجہ سے کئی لوگ ملبے تلے دب گئے۔ فائر بریگیڈ اور پولیس کی ٹیمیں موقع پر پہنچ گئیں اور رات بھر امدادی کارروائیاں کیں۔ دریں اثنا، سورت کے چیف فائر آفیسر بسنت پاریک نے کہا کہ رات بھر تک جاری رہنے والے تلاشی آپریشن میں سات لاشیں برآمد کی گئی ہیں۔ پولیس کا کہنا ہے کہ ریسکیو آپریشن جاری ہے، اس بات کا خدشہ ہے کہ اب بھی کئی افراد اندر پھنسے ہوئے ہیں۔

بتایا جا رہا ہے کہ یہ ایک پرانی عمارت تھی، جو خستہ حال ہو کر اچانک منہدم ہو گئی۔ اس چھ منزلہ عمارت میں 35 کمرے تھے جن میں پانچ سے سات خاندان اپنی جانوں کو خطرے میں ڈال کر رہ رہے تھے۔ معلومات کے مطابق اس پوری عمارت کی مالک ایک غیر ملکی خاتون ہے اور کوئی شخص یہاں کمرہ کرایہ پر دیا کرتا تھا۔

بارش کی وجہ سے گر گئی عمارت؟

فی الحال عمارت کے گرنے کی وجہ واضح نہیں ہے۔ بتایا جا رہا ہے کہ شدید بارش کی وجہ سے خستہ حال عمارت گر گئی۔ سورت کے پولیس کمشنر انوپم سنگھ گہلوت نے کہا کہ عمارت گرنے کی اطلاع ملنے کے بعد امدادی کام شروع کر دیا گیا۔ ملبے میں پھنسے لوگوں کو نکالنے کے لیے راحت اور بچاؤ کا کام جاری ہے۔ این ڈی آر ایف کی ٹیم سخت محنت کر رہی ہے۔

یہ بھی پڑھیں- Shabana Mahmood Pakistan: جانئے نئی برطانوی حکومت میں وزیر انصاف بننے والی پاکستانی نژاد شبانہ محمود کون ہیں؟

یہ عمارت 2016-17 میں تعمیر کی گئی تھی

انوپم سنگھ گہلوت نے مزید کہا کہ عمارت کی تعمیر 2016-17 میں ہوئی تھی۔ لوگ تقریباً پانچ فلیٹوں میں رہتے تھے جن میں سے زیادہ تر لوگ اس علاقے میں فیکٹریوں میں کام کرنے والے تھے۔ ریسکیو آپریشن شروع ہوا تو ہم نے پھنسے ہوئے لوگوں کی چیخیں سنی۔ حکام کا کہنا ہے کہ حادثے کی تحقیقات کے لیے کمیٹی تشکیل دے دی گئی ہے۔ تحقیقاتی رپورٹ کی بنیاد پر ملزمان کے خلاف کارروائی کی جائے گی۔

-بھارت ایکسپریس