Six Israeli captives to be released:حماس650 فلسطینیوں کے بدلے سنیچر کو چھ اسرائیلی یرغمالیوں کو کرے گا رہا،ناموں کی فہرست جاری

حماس نے ہفتہ کے روز رہا کیے جانے والے 6 اسرائیلی یرغمالیوں کی شناخت ظاہر کردی، کل 6 اسرائیلی یرغمالیوں کے بدلے 602 فلسطینی قیدی رہا ہوں گے۔عرب میڈیا کے مطابق حماس کی جانب سے یرغمالیوں کی شناخت ظاہر کرنے والوں میں ایلیا اسحاق کوہن، عمر شیم توو، عمر ونکیرٹ، طال شوہام، اویرہ منگستو اور ہشام السید شامل ہیں۔فلسطینی قیدیوں کی رہائی سے متعلق سرگرم گروپ نے کہا ہے کہ قیدیوں کے تبادلے میں سنیچر کو اسرائیل کی مختلف جیلوں سے 650 فلسطینی قیدی رہا کیے جائیں گے۔فلسطینی این جی او کی ترجمان امانی سراہنیہ نے بتایا کہ ابھی تک رہا ہونےوالے فلسطینیوں میں 445 وہ افراد تھے جنہیں حماس کے سات اکتوبر کے حملے کے بعد غزہ سے گرفتار کیا گیا تھا۔ 60 افراد کو طویل قید جبکہ 50 کو عمر قید کی سزا سنائی گئی تھی۔اس کے علاوہ 47 فلسطینی ایسے تھے جنہیں 2011 میں ہونے والے قیدیوں کے تبادلے کے بعد دوبارہ گرفتار کر لیا گیا تھا۔

اسرائیلی فوج نے اعلان کیا ہے کہ حماس کے ساتھ قیدیوں کے تبادلے کا سمجھوتا جاری ہے۔ مزید یہ کہ ہفتے کے روز یرغمال افراد کی رہائی مقررہ منصوبہ بندی کے مطابق عمل میں آئے گی۔ادھر یرغمالیوں کی لاشوں کے حوالے سے اسرائیلی فوج نے اعلان کیا ہے کہ بدھ کے روز حماس کی جانب سے حوالے کی جانے والی دو لاشیں شیر خوار بچے کفیر بیباس اور اس کے چار سالہ بھائی ارییل بیباس کی ہیں۔ فوج کے مطابق حوالے کی جانے والی تیسری لاش ان بچوں کی ماں شیری بیباس کی نہیں ہے جو پلان کے مطابق حوالے کی جانا تھی۔ یہ لاش کسی اور یرغمالی کی بھی نہیں ہے۔ اسرائیلی فوج کے مطابق یہ لاش ابھی تک نا معلوم ہے۔

ادھر مشرق وسطیٰ کے لیے امریکی صدر کے نمائندے اسٹیف ویٹکوف کا کہنا ہے کہ غزہ کی پٹی سے متعلق ڈونلڈ ٹرمپ کے منصوبے کا مقصد فلسطینیوں کی جبری ہجرت نہیں ہے، بلکہ یہ یقینا ان لوگوں کے لیے بہتر حقیقت پیدا کرنے اور وسیع مواقع کا دروازہ کھولنے کے لیے ہے۔

بھارت ایکسپریس۔