Pakistan PM Shahbaz Sharif vs Imran Khan: شہباز شریف کی کرسی کا کام تمام کردیں گے عمران خان! اس طرح بگڑ رہا ہے پاکستانی وزیر اعظم کا کھیل

پاکستان میں ان دنوں اقتصادی بحران کے ساتھ ساتھ سیاسی استحکام کی صورتحال پیدا ہوگئی ہے۔ سابق وزیراعظم عمران خان پر گرفتاری کی تلوار لٹک رہی ہے۔ ایسا خدشہ ہے کہ عمران خان کی گرفتاری سے پنجاب سمیت پاکستان کے کئی ریاستوں میں بھاری ہنگامہ ہوسکتا ہے۔ اس درمیان شہباز شریف حکومت پر بحران گہرا ہوتا ہوا نظرآرہا ہے۔ گزشتہ اتوار کو عمران خان کے گھر پر گرفتاری کا ورانٹ لے کرپہنچی پولیس کو خالی ہاتھ لوٹنا پڑگیا۔ کیونکہ عمران خان کے حامیوں کی تعداد پولیس سے کہیں زیادہ تھی۔

وہیں حکومت میں شامل پاکستان پیپلز پارٹی نے اتحاد سے الگ ہونے کے اشارے دے دیئے ہیں۔ پارٹی کے سربراہ اور وزیرخارجہ بلاول بھٹو زرداری بھلے ہی سیلاب متاثرین کو راحت نہ ملنے کے معاملے پر حکومت سے الگ ہونے کی دھمکی دے رہے ہیں۔ تاہم لوگوں کا ماننا ہے کہ عمران خان کی گرفتاری سے پنجاب اور خیبرپختونخوا میں انہیں الیکشن جیتنا مشکل ہوسکتا ہے۔ اس لئے بلاول بھٹو زرداری نے اپنا راستہ الگ کرنا شروع کردیا ہے۔

شہباز شریف کی حکومت عمران خان کو گرفتار تو نہیں کرا پائی، لیکن ان کے خطاب کو دکھانے پر روک لگا دیا ہے۔ موجودہ وقت میں عمران خان بھلے ہی اقتدار میں نہیں ہیں، لیکن وزیراعظم شہباز شریف پر بھاری پڑ رہے ہیں، جس سے موجودہ حکومت بیچ میں ہی لٹک چکی ہے۔ پاکستان میں موجود اقتصادی بحران کے سبب اب اس کا باہری قرض تقریباً 130 ارب ڈالرپہنچ چکا ہے۔ یہ اس کی جی ڈی پی کا 95.39 فیصد ہے۔ پاکستان میں ان دنوں مہنگائی 50 سال کے اپنے سب سے اعلیٰ سطح پر ہے، جو موجودہ وقت میں 27.6 فیصد ہے۔

اقتصادی بحران کا اثر فوج پر پڑا

پاکستان میں مسلسل بڑھتی ہوئی مہنگائی کو دیکھتے ہوئے مرکزی بینک نے سود شرح میں اضافہ کردیا ہے۔ اقتصادی بحران کا اثر پاکستانی فوج پر بھی نظرآنے لگا ہے۔ 23-2022 میں پاکستان کا کل دفاعی بجٹ 7.5 بلین ڈالر ہے۔ میڈیا رپورٹس کے مطابق، سینئرفوجی کمانڈرس نے کواٹرماسٹر جنرل کے آفس کو فوجیوں کے خوراک ورسد میں بڑی تخفیف کرنے کو کہا ہے۔ پاکستان کے زرمبادلہ کے ذخائر 3.2 بلین ڈالر تک پہنچ گئے ہیں۔