Abbas Ansari Wife: عباس انصاری کی اہلیہ کی مدد کرنے پر جیل کے مزید تین اہلکار گرفتار

Abbas Ansari Wife: اتر پردیش کے چترکوٹ میں پولیس نے جیل میں بند سہیل دیو بھارتیہ سماج پارٹی (ایس بی ایس پی) کے ایم ایل اے عباس انصاری اور ان کی بیوی نکہت   کے درمیان ہوئی ملاقات  کرانے میں  اہم  میں کردار کے الزام میں جیل کے مزید تین اہلکاروں کو گرفتار کیا ہے۔ پولیس نے بتایا کہ جیل سپرنٹنڈنٹ اشوک ساگر، جیلر سنتوش کمار سنگھ اور وارڈر جگموہن پر الزام ہے کہ انہوں نے نیاز، اس کے ڈرائیور سے رشوت لی تاکہ جیل میں عباس سے  نکہت کی ملاقات کرائی جائے۔ ایڈیشنل ڈائرکٹر جنرل آف پولیس، پریاگ راج زون، بھانو بھاسکر نے کہا کہ پولیس ان سازش کاروں کو بے نقاب کرنے کے لیے کام کر رہی ہے۔ جنہوں نے ایس بی ایس پی ایم ایل اے عباس انصاری اور  نکہت  بانو کے درمیان نقد رقم کے عوض میٹنگ کا اہتمام کیا تھا۔

پولیس اہلکاروں کو دھمکیاں

اے ڈی جی نے کہا کہ سازش کرنے والے نہ صرف میٹنگ میں سہولت فراہم کر رہے تھے بلکہ گواہوں، پراسیکیوٹرز اور پولیس افسران کو بھی دھمکیاں دے رہے تھے۔ وہ بار بار اپنے فرائض کی انجام دہی میں ناکام رہے۔ اے ڈی جی نے کہا کہ چترکوٹ پولس ٹیم نے، جس نے ریاست کے 18 اضلاع میں چھاپے مارے، ملزمین کی رہائش گاہوں سے کچھ دستاویزات برآمد کئے، جنہیں اب عدالت میں ثبوت کے طور پر استعمال کیا جائے گا۔ اے ڈی جی لاء اینڈ آرڈر پرشانت کمار نے کہا کہ پولس پوری کارروائی میں ملوث شریک سازش کاروں کو بے نقاب کرنے کا کام کر رہی ہے۔

دو موبائل فون اور 21000 روپے برآمد

پولیس نے اب تک آٹھ لوگوں کو گرفتار کیا ہے جن میں نکہت بانو، ڈرائیور نیاز، ایس پی ضلع صدر فراز، ان کے ساتھی نونیت اور جیل کے چار اہلکار شامل ہیں۔ جیل کے سات اہلکاروں کو بھی معطل کر دیا گیا ہے۔ 11 فروری کو نکہت بانو چترکوٹ جیل میں اپنے شوہر سے ملنے گئی تھیں۔ ان کے قبضے سے 2 موبائل فونز کے ساتھ 12 سعودی ریال اور 21 ہزار روپے برآمد ہوئے۔ پولیس نے بعد میں نکہت بانو کے ذریعے جیل میں اپنے شوہر سے ملنے کے لیے استعمال کی گئی ایس یو وائی کو ضبط کر لیا۔ عباس انصاری کو بعد میں حکومت نے کاس گنج جیل منتقل کر دیا تھا۔

-آئی اے این ایس