Turkey Earthquake: ترکیہ کے جنوبی حصے میں 5.6 شدت کا زلزلہ، مزید عمارتیں منہدم

Turkey Earthquake: پیر کے روز جنوبی ترکیہ میں 5.6 شدت کا زلزلہ آیا، جس سے کچھ عمارتیں زمین بوس ہو گئیں۔ ایک افسر نے یہ اطلاع دی ہے۔ ابھی تک کسی جانی نقصان کے بارے میں کوئی اطلاع موصول نہیں ہوئی ہے۔ تین ہفتے قبل ایک طاقتور زلزلے نے ترکیہ اور شام کے علاقے میں بڑے پیمانے پر تباہی مچائی تھی۔ ملک کی ڈیزاسٹر مینجمنٹ ایجنسی نے کہا کہ پیر کو آنے والے زلزلے کا مرکز مالتیا صوبے کے Yeşiltar قصبے میں تھا۔ Yeşiltar کے میئر مہمت سینار نے ہیبرٹرک ٹیلی ویژن کو بتایا کہ قصبے میں کچھ عمارتیں منہدم ہو گئی ہیں۔

یہ بھی پڑھیں- Turkiya-Syria Earthquake: ترکیہ شام کے زلزلے میں ہلاک ہونے والی کی تعداد 50,000 سے تجاوز کرگئی

48,000 سے زیادہ لوگ ہلاک

مالتیا ترکیہ کے ان 11 صوبوں میں شامل تھا جو 7.8 شدت کے زلزلے سے بری طرح متاثر ہوئے تھے۔ 6 فروری کو آنے والے زلزلے نے جنوبی ترکیہ اور شمالی شام کے کچھ حصوں میں بڑے پیمانے پر تباہی مچائی تھی۔ زلزلے سے دونوں ممالک میں اب تک 48,000 سے زائد افراد ہلاک ہو چکے ہیں اور ترکیہ میں 173,000 عمارتوں کو شدید نقصان پہنچا ہے۔ ترکیہ کے ڈیزاسٹر مینجمنٹ ایجنسی اے ایف اے ڈی نے کہا ہے کہ 6 جنوری کو آنے والے طاقتور زلزلے کے بعد سے اب تک خطے میں تقریباً 10 ہزار آفٹر شاکس آ چکے ہیں۔

یہ بھی پڑھیں- Türkiye & Syria: گمنام پاکستانی نے ترکیہ شام کے زلزلے متاثرین کے لئے 30 ملین ڈالر کیا عطیہ ، پی ایم شریف کے دعویٰ پر کیوں اٹھ رہےہیں سوال

اب تک 45 آفٹر شاکس

اے ایف اے ڈی کے زلزلے اور خطرے میں کمی کے جنرل ڈائریکٹر اورحان تاتار نے کہا کہ پچھلے تین ہفتوں میں اس خطے میں تقریباً چار تازہ زلزلے آئے ہیں اور ساتھ ہی پانچ سے چھ کی شدت کے ساتھ 45 آفٹر شاکس بھی آئے ہیں۔ Yeşiltar کے مہمت سینار نے Haberturk ٹیلی ویژن کو بتایا کہ زلزلے کے جھٹکوں سے قصبے میں کچھ عمارتیں منہدم ہوگئیں۔ مالتیا ترکی کے ان 11 صوبوں میں شامل تھا جو 7.8 شدت کے زلزلے سے بری طرح متاثر ہوئے تھے۔

-بھارت ایکسپریس