Alia Bhatt- Divya Khossla: کیا رنبیر کپور عالیہ کے لیے فلم  ‘اینیمل پارک’ چھوڑ دیں گے؟ دیویا کھوسلا نے عالیہ کواس بات کے لئے  بنایا تنقید کا نشانہ

عالیہ بھٹ کی حالیہ ریلیز فلم ‘جگرا’ باکس آفس پر اچھی کارکردگی نہیں دکھا رہی، لیکن یہ فلم تنازعات حصہ ضرور بنی  ہوئی ہے۔ دراصل اداکارہ اور ٹی سیریز کے مالک بھوشن کمار کی اہلیہ دیویا کھوسلا کمار نے عالیہ بھٹ پر اپنی فلم کے باکس آفس کلیکشن میں دھوکہ دہی کا الزام لگایا ہے۔

وہیں دیویا کھوسلا  کمارکے اس تبصرے پر عالیہ نے کوئی ردعمل نہیں دیا ہے ،لیکن کرن جوہر نے اشاروں میں دیویا کھوسلا کمارکو بے وقوف کہہ دیا ہے۔ قیاس آرائیاں کی جا رہی ہیں کہ عالیہ اور دویا کی اس لڑائی میں رنبیر کپور کو نقصان ہو سکتا ہے۔ دراصل دیویا کھوسلا کمارکے شوہر بھوشن کمار اداکار رنبیر کپور کی آنے والی فلم ‘اینیمل پارک’ پروڈیوس کر رہے ہیں۔

کیا رنبیر کپور ‘اینیمل پارک’ چھوڑ دیں گے؟

ایسا لگتا ہے کہ ان کے شوہر بالی ووڈ کی دو اداکاراؤں کے درمیان گرما گرتنازعہ میں پھنس گئے ہیں۔ آپ کو بتاتے چلیں کہ عالیہ بھٹ کے شوہر رنبیر کپور نے دیویا کھوسلا کے شوہر بھوشن کمار کی فلم ‘اینیمل پارک’ سائن کر لی ہے۔ دیویا اور عالیہ کی تنازعہ کے درمیان یہ قیاس آرائیاں شروع ہو گئی ہیں کہ رنبیر کپوراب بھوشن کمار کی پروڈیوس کردہ فلم کو چھوڑ سکتے ہیں ، لیکن ایسا نہیں ہے کیونکہ اداکار بہت پروفیشنل ہیں۔

کیا بھوشن کمار رنبیر کے ساتھ کام کریں گے؟

ساتھ ہی بھوشن کمار اپنی اہلیہ دویا کھوسلا کمار کے عالیہ کے ساتھ جھگڑے کو بھی نظر انداز کر سکتے ہیں۔ اس سے رنبیر کپور کے ساتھ ان کی آنے والی فلم ‘اینیمل پارک’ پر کوئی اثر نہیں پڑے گا۔ آپ کو بتاتے چلیں کہ جب دیویا کھوسلا نے گلوکار سونو نگم کو نشانہ بنایا تھا تو بھوشن کمار نے ان سے تمام شکایت کو دور کردیاتھا ۔

’اینیمل پارک‘ کی بات کریں تو اس فلم کی شوٹنگ ابھی شروع نہیں ہوئی اور ریلیز کی تاریخ بھی بہت دور ہے۔ چند ماہ میں رنبیر اور بھوشن اس مسئلے کو حل کر سکتے ہیں اور آگے بڑھ سکتے ہیں۔ آپ کو بتا دیں کہ اس معاملے پر کوئی ذاتی  بیان جاری نہیں کیا گیا ہے۔

دیویا کھوسلہ اور عالیہ بھٹ کے درمیان کیا تنازع ہے؟

بتا دیں کہ دیویا کھوسلا نے عالیہ بھٹ پر تنقید کرتے ہوئے ان پر اپنی فلم جگرا کے باکس آفس کلیکشن میں دھوکہ دہی کا الزام لگایا تھا۔ دیویا نے اپنے انسٹاگرام ہینڈل پر جاکر عالیہ پر طنز کیا اور انکشاف کیا کہ کس طرح پورا تھیٹر خالی تھا۔ انہوں نے یہاں تک کہا کہ عالیہ اور ان کی ٹیم فلم کی کامیابی کو غلط طریقہ سے پیش کررہی ہے۔ دیویا نے لکھا تھا، “جگرا شو کے لیے سٹی مال پی وی آر گی تھی۔ تھیٹر بالکل خالی تھے…ہر طرف سارے تھیٹر خالی ہوتے جا رہے تھے۔ عالیہ بھٹ کا واقعی جگرا ہے… انہوں نے خود ٹکٹ خریدے اورفرضی  کلیکشن کا اعلان کیا۔ حیرت ہے کہ پیڈ میڈیا کیوں خاموش ہے؟ ،

بھارت ایکسپریس