آپ نے کئی بالی ووڈ سپراسٹار کی ذاتی زندگی کے بارے میں سنا اور دیکھا ہوگا۔ ساتھ ہی لوگ چٹخارے لے کر اس کے بارے میں بھی جاننا چاہتے ہیں۔ آج ہم آپ کو بتانے والے ہیں کہ بالی ووڈ کے بہترین سنگر ادت نارائن کی ذاتی زندگی کے بارے میں ایک دن ایسا آیا کہ پٹنہ کے ایک ہوٹل میں نہ صرف ہنگامہ ہوا، بلکہ ادت نارائن کا سچ بھی لوگوں کے سامنے آگیا۔ شاید کم ہی لوگوں کو معلوم ہے کہ ادت نارائن نے دو شادیاں کی ہیں؟
دراصل، پہلی بیوی کے رہتے ہوئے گلوکار نے ممبئی آکر دوسری شادی کرلی تھی۔ جب یہ سب بات پہلی بیوی کو معلوم ہوئی تو اس نے خوب ہنگامہ کیا۔ ایک بار ادت نارائن کی بھتیجی کی شادی تھی۔ وہ اپنی بیوی دیپا کو شادی میں شامل ہونے کے لئے پٹنہ لے گئے تھے۔ شادی سے لوٹنے کے بعد وہ ہوٹل میں ٹھہرے تھے، تبھی تقریباً 150-100 لوگ ان کے ہوٹل کے باہر جمع ہوگئے اور ہنگامہ کرنے لگے۔
وہیں معاملہ خراب ہوتا ہوا دیکھ کر ہوٹل اسٹاف ادت نارائن کے پاس آئے اور انہیں لوگوں کی شکایت کے بارے میں بتایا اور کہا کہ ایک خاتون آپ کی بیوی ہونے کا دعویٰ کر رہی ہے۔ اس پر ادت نارائن نے کہا ’میری ایک ہی بیوی ہے، جو ابھی بھی میرے ساتھ کمرے میں ہے۔ دوسری بیوی رکھنے کا سوال ہی نہیں اٹھتا۔‘
اس پر ہوٹل نے اسٹاف نے بتایا کہ باہر رنجنا جھا نام کی خاتون کھڑی ہیں، جو خود کو آپ کی بیوی بتا رہی ہیں۔ اتنا ہی نہیں، وہ اپنے ساتھ شادی کی تصاویر اور بینک اکاؤنٹ کے پاس بک بھی لے کرآئی ہیں، جو ادت نارائن جھا اور رنجنا جھا کا جوائنٹ اکاؤنٹ ہے۔ خاتون نے یہ بھی بتایا کہ ان کی اور ادت نارائن کی شادی 1984 میں ہوئی تھی۔ وہیں اس پر دیپا نے کہا کہ ان کی شادی 1982 میں دیوی کالی مندر میں ہوئی تھی۔ اسی درمیان پولیس بھی موقع پر پہنچ گئی اور دونوں خواتین کی باتیں سن کرکافی پریشان ہوگئی۔ اس کے بعد پولیس نے ادت نارائن اور ان کی دوسری بیوی کو وہاں سے نکالا اورایئرپورٹ لے گئی۔
وہیں رنجنا جھا نے اس کی شکایت بہار خواتین کمیشن سے کی۔ رنجنا جھا کی باتوں میں سچائی دیکھ کر ادت نارائن کے رشتہ دار بھی رنجنا جھا کے ساتھ تھے۔ دوسری جانب، عام عوام بھی رنجنا جھا کی حمایت میں اترآئی۔ اخباروں سے لے کر ریڈیو تک میں ادت نارائن اور رنجنا جھا سے متعلق بحث ہونے لگی۔ رنجنا جھا کی حمایت میں نیپال ریڈیو نے ادت نارائن کے گانوں پر بھی پابندی لگا دی تھی۔ حالانکہ جب معاملہ کافی بڑھتا گیا تو ادت نارائن نے اعتراف کرلیا کہ رنجنا جھا ان کی بیوی ہیں۔ بعد میں یہ طے ہوا کہ گلوکار کو دونوں بیویوں کو ایک ساتھ رکھنا ہوگا۔