انٹرٹینمنٹ

Scholarships for School Kids: وجے دیوراکونڈا اور رشمیکا مندانا کا 180 ہونہار طلبہ کے لیے اسکالرشپ کا اعلان، شادی کے بعد کیے گئے وعدے کو دی عملی شکل

حیدرآباد: معروف فلم اداکار وجے دیوراکونڈا اور اداکارہ رشمیکا مندانا نے تلنگانہ کے اچمپیٹ منڈل کے سرکاری اسکولوں کے ہونہار طلبہ کے لیے میرٹ اسکالرشپ پروگرام شروع کرنے کا اعلان کیا ہے۔ اس پروگرام کے تحت نویں اور دسویں جماعت میں اول اور دوم پوزیشن حاصل کرنے والے طلبہ کو اسکالرشپ دی جائے گی۔ یہ طلبہ اچم پیٹ منڈل کے 44 سرکاری اسکولوں سے تعلق رکھتے ہیں۔

شادی کے بعد کیے گئے وعدے کی تکمیل

وجے دیوراکونڈا نے سوشل میڈیا پلیٹ فارم ایکس پر ایک پیغام میں بتایا کہ وہ تھمّن پیٹ گاؤں جا رہے ہیں، جو ان کے والد کی جائے پیدائش ہے۔ انہوں نے کہا کہ فروری میں اپنی شادی کے بعد انہوں نے اور رشمیکا مندانا نے ایک خواب کا اعلان کیا تھا، جس کا مقصد تلنگانہ کے اچمپیٹ منڈل کے محنتی طلبہ کی حوصلہ افزائی کرنا تھا۔ انہوں نے ان 180 طلبہ کی فہرست بھی جاری کی جنہوں نے نمایاں کامیابی حاصل کرکے اپنے والدین کا سر فخر سے بلند کیا۔

اداکار جوڑے کی شادی اور عوامی توجہ

وجے دیوراکونڈا اور رشمیکا مندانا نے 26 فروری کو ادے پور میں اپنے قریبی رشتہ داروں اور دوستوں کی موجودگی میں شادی کی تھی۔ بعد ازاں دونوں نے ایک شاندار استقبالیہ بھی منعقد کیا، جس میں فلمی دنیا اور سیاسی حلقوں کی کئی معروف شخصیات نے شرکت کی۔ رشمیکا مندانا اور وجے دیوراکونڈا اُدے پور کے عالیشان ہوٹل آئی ٹی سی میمنٹوز میں تیلگو روایات کے مطابق نجی اور پُروقار تقریب میں رشتۂ ازدواج میں منسلک ہوگئے۔ رپورٹس کے مطابق اس جوڑے نے دونوں خاندانوں کی روایات کو ملحوظ رکھتے ہوئے مختلف رسومات کے تحت شادی کی 2 تقریبات منعقد کرنے کا فیصلہ کیا تھا۔

 

وجے دیوراکونڈا کی نئی فلم

فلموں کی بات کریں تو وجے دیوراکونڈا جلد فلم رنبالی میں نظر آئیں گے۔ اس فلم کی ہدایت کاری راہل سانکرتیان کر رہے ہیں جبکہ اسے میتھری مووی میکرز اور T-Series کے اشتراک سے تیار کیا جا رہا ہے۔ فلم میں رشمیکا مندانا کے علاوہ بین الاقوامی اداکار آرنلڈ ووسلو بھی اہم کردار ادا کر رہے ہیں۔ یہ فلم 11 ستمبر 2026 کو سینما گھروں میں ریلیز ہونے والی ہے۔

بھارت ایکسپریس اردو۔

Habiburrahman

Recent Posts

OP Rajbhar Statement: اعظم خان مسلم لیڈر ہیں تو سماجوادی پارٹی کسی مسلمان کو وزیر اعلیٰ کا چہرہ قرار دے: اوم پرکاش راج بھر

اتر پردیش میں 2027 کے اسمبلی انتخابات سے پہلے سیاسی بیان بازی تیز، ریاستی وزیر…

30 minutes ago

UP Assembly Polls: یوپی اسمبلی انتخابات میں سیٹوں کی تقسیم کے لیے سماجوادی پارٹی نے تشکیل دی چار رکنی کمیٹی، اقرا چودھری ہوں گی ٹیم کا حصہ

سماجوادی پارٹی نے مذاکراتی کمیٹی میں قومی جنرل سکریٹری رام گوپال یادو، ریاستی صدر شیام…

1 hour ago

Inauguration of a new campus in Itanagar: این ڈی آر ایف کی 12ویں بٹالین کا کیمپس پورے شمال مشرقی خطے کے لیے حفاظتی مرکز ہوگا: امت شاہ

ایٹا نگر میں نئے کیمپس کا افتتاح، آٹھوں شمال مشرقی ریاستوں کی ایس ڈی آر…

1 hour ago