Urfi Javed was Seen wearing Tomato Earrings: ٹماٹر کی مہنگائی سے عرفی جاوید بھی پریشان، قیمتوں میں اضافہ ہونے کے بعد اٹھا لیا یہ بڑا قدم

ٹماٹرکی مہنگائی نے عام لوگوں کو ہی نہیں بالی ووڈ اداکارہ کے بھی پسینے چھڑا دیئے ہیں۔ حال ہی میں انٹرٹینمنٹ کوئن عرفی جاوید نے ٹماٹرکی مہنگائی سے متعلق بڑی بات کہی ہے۔ انہوں نے ٹماٹر کی مہنگائی پر ردعمل ظاہر کرتے ہوئے کہا ہے کہ اب یہ نیا گولڈ ہوگیا ہے۔ عرفی جاوید نے انسٹا گرام پر ٹماٹر سے بنے ایئررنگس کے ساتھ اپنی ہاٹ تصویر بھی شیئر کی ہے۔

عرفی جاوید نے کہا کہ انہوں نے ٹماٹرکی ایئررنگس اس لئے پہنی ہیں کیونکہ یہ اب نیا گولڈ ہوگیا ہے۔ ٹماٹرجب سے مہنگے ہوئے ہیں، تب سے آئے دن اس سے متعلق نئی نئی چیزیں سامنے آرہی ہیں۔ حال ہی میں معاملہ آیا تھا کہ ٹماٹرکی فروختگی سے کسان بھی مالا مال ہو رہے ہیں۔

 واضح رہے کہ ٹماٹر کی قیمت 350 روپئے کلو تک جاچکی ہیں۔ جلد ہی ان کی قیمت 500 روپئے کلو تک جانے کا خدشہ ہے۔ حالانکہ حکومت ٹماٹرکی قیمت پر لگانے کے لئے ایڑی سے چوٹی تک کا زور بھی لگا رہی ہے اور کئی مقامات پر 80 سے 90 روپئے کلو کے لحاظ سے ٹماٹر فروخت کرنا شروع کیا ہے۔

عرفی جاوید اپنے لُکس سے متعلق ہمیشہ لائم لائٹ میں رہتی ہیں۔ حال ہی میں انہوں نے انسٹا گرام پر تصویر شیئر کی ہیں۔ ان میں وہ ٹماٹرکی ایئررنگس پہنے ہوئے اور ٹماٹرکھاتی ہوئی نظرآرہی ہیں۔ اس کے ساتھ ہی انہوں نے اپنے پوسٹ میں لکھا ہے کہ ٹماٹر اب نیا گولڈ ہے۔ جس طرح سے ٹماٹر مہنگے ہو رہے ہیں، ان کے سستے ہونے کی امید کم ہے۔