Birthday Special: آج کا دن ہے بالی ووڈ کے لئے بے حد خاص، کاجول، جینیلیا اور وتسل سیٹھ نے ایک ساتھ منایا یوم پیدائش

Birthday Special: بالی ووڈ کے لئے آج کا دن یعنی 5 اگست کا دن کافی اہم ہے۔ جی ہاں، ایسا ہم اس لئے کہہ رہے ہیں کیونکہ 5 اگست کو ایک نہیں بلکہ تین تین فنکاروں کا یوم پیدائش ہے۔ آج ہی کے دن بالی ووڈ کے تین ٹیلنٹیڈ اداکارہ کاجول مکھرجی، جینیلیا ڈیسوزا اور وتسل سیٹھ کا یوم پیدائش ہے۔ تینوں ہی فنکاروں میں یوم پیدائش کے علاوہ ایک اوربات مماثلت رکھتی ہے، آئیے ہم آپ کو بتاتے ہیں کہ وہ کیا بات ہے۔

تینوں اسٹارس میں یہ بات ہے مماثل

کاجول مکھرجی تواپنی اداکارہ سے لوگوں کا دل جیتنے میں کامیاب رہیں۔ تو وہیں اداکارہ جینیلیا ڈیسوزا اور وتسل سیٹھ نے بھی اپنی اداکاری کا لوہا منوایا۔ ان تینوں میں عجیب اتفاق یہ ہے کہ تینوں کے ہم سفر بالی ووڈ انڈسٹری سے ہی واسطہ رکھتے ہیں۔ آپ کو بتادیں کہ کاجول کی پیدائش 5 اگست، 1974 کو ممبئی میں گھرپرہی ہوئی تھی۔ انہیں اداکاری وراثت میں ہی ملی۔ ان کے والد شومو مکھرجی ایک ڈائریکٹر اورماں تنجا ایک مشہور اداکارہ ہیں۔ اداکارہ نے شادی بھی بالی ووڈ اداکار اجے دیوگن سے کی، لیکن ایسا نہیں ہے کہ فیملی بیک گراونڈ والی کاجول کے لئے صورتحال موافق تھی۔

کاجول کی اس فلم نے مچایا دھمال

انہوں نے اپنی محنت اور اداکاری سے عام لوگوں اور نقادوں کے دلوں میں خاص جگہ بنائی۔ انہوں نے فلمی کیریئر کی شروعات فلم بے دکھی (1992) سے کیا، جو فلاپ رہی۔ تب انہوں نے ہارنہیں مانی اور 1993میں ریلیزفلم ’بازی گر‘ نے اسٹارڈم سے سیدھا انٹرویوکرا دیا۔ اس فلم میں ان کے ساتھ شاہ رخ خان تھے، جن کے ساتھ کاجول نے 1995 میں آئی فلم ’دل والے دلہنیا لے جائیں گے‘ اور’کچھ کچھ ہوتا ہے‘ جیسی فلموں میں کام کیا۔ ’دل والے دلہنیا لے جائیں گے‘ میں ان کے سمران کے کردار کوکافی پیارملا اور یہ فلم بالی ووڈ کی تاریخ میں سنہرے الفاظ میں درج ہوگئی۔

جینیلیا ڈیسوزا بھی ہیں چلبلی اداکارہ

وہیں کاجول کی طرح ہی جینیلیا ڈیسوزا بھی چلبلی اداکارہ ہیں، جن کی پیدائش 5 اگست 1987 کو ممبئی میں ہوئی تھی۔ وہ تیلگو، تمل، کنڑاورملیالم زبان کی فلموں میں کام کرچکی ہیں۔ جینیلیا نے 2003 میں ’تجھے میری قسم‘ سے اپنے فلمی کیریئرکی شروعات کی، لیکن بعد میں انہوں نے تیلگو فلموں کا رخ کیا۔ یہیں ان کی اداکاری کی کافی تعریف کی گئی۔ انہوں نے تیلگو رومانٹک فلم ’بوماریلو‘ میں اداکاری کے لئے اپنا پہلا فلم فیئرایوارڈ جیتا۔ 3 فروری، 2012 کو اپنے بوائے فرینڈ رتیش دیشمکھ سے شادی کی۔

ڈیشنگ وتسل سیٹھ کی پیدائش 5 اگست، 1980 کو ممبئی میں ہوئی تھی۔ وہ ایک اداکاراور ڈائریکٹرہیں۔ وہ چائلڈ آرٹسٹ کے طور پر کئی فلموں میں نظرآئے، لیکن اداکار کے طور پران کی ڈیبیو فلم ’ٹارجن: دی ونڈر کار‘ (2004) تھی، جسے ڈائریکٹرجوڑی عباس-مستان نے بنایا تھا۔ اس کے بعد وہ کئی اورفلموں میں بھی نظرآئے۔ ٹی وی سیریل نے وتسل کو خاص پہچان دلائی۔ فلموں میں وہ کچھ خاص کمال نہیں دکھا پائے۔ انہوں نے بھی اداکار سے ہی شادی کی۔ واضح رہے کہ 28 نومبر، 2017 کو وتسل سیٹھ نے اداکارہ ایشیتا دتہ کے ساتھ شادی کے بندھن میں بندھے۔