Entertainment News: ‘عاشقی 3’ پر  لگا بریک ، اب نئی فلم میں کارتیک آریان اس حسینہ کے ساتھ کریں گے رومانس

سال2013کی ہٹ فلم ‘عاشقی 2’ کے سیکوئل کو لے کر شائقین میں کافی کریز تھا۔ اس سے قبل خبریں آئی تھیں کہ میکرز نے مرکزی اداکارہ ترپتی ڈمری کو فلم سے باہر نکال دیا ہے۔ لیکن اب خبریں ہیں کہ کارتیک آریان کے ساتھ بننے والی اس فلم کو روک دیا گیا ہے۔ اب کارتیک آریان کے ہاتھ میں ایک نئی فلم ہے جس میں وہ ترپتی کے ساتھ نہیں بلکہ کسی اور حسینہ کے ساتھ نظر آئیں گے۔

تقریباً 2 سال قبل فلم ‘عاشقی 3’ کا اعلان کیا گیا تھا اور بتایا گیا تھا کہ اس کی شوٹنگ جلد شروع ہوگی۔ فلم کو انوراگ باسو ڈائریکٹ کر رہے تھے۔ ‘عاشقی 3’ کے اعلان کے بعد سے کئی طرح کی رکاوٹیں سامنے آئی ہیں۔ ابتدائی طور پر مکیش بھٹ اور بھوشن کمار کے درمیان فلم کو پروڈیوس کرنے کے حوالے سے بات چیت چل رہی تھی،  لیکن اس اسکیم کو تکمیل تک نہیں پہنچایا جاسکا  ہے۔

‘عاشقی 3’ ہوئی ڈبہ میں بند

مارچ 2024 میں ٹی سیریز کے ہیڈ بھوشن کمار نے اعلان کیا تھا کہ وہ کارتیک آریان اور انوراگ باسو کے اس پروجیکٹ کو اکیلے ہی تیار کریں گے۔ اس کے بعد فلم کا نام تبدیل کر دیا گیا۔ اس کے بعد نومبر میں خبر آئی کہ کارتیک آریان اس بات پر بضد ہیں کہ وہ صرف عاشقی بینر کی فلموں میں کام کرنا چاہتے ہیں اور اب ترپتی ڈمری نے بھی فلم سے باہر ہوگئیں ہیں ۔ ان تنازعات کے درمیان فلم بھلے ہی روک دی گئی ہو لیکن کارتیک آریان کا رومانوی انداز ضرور دیکھنے کو ملنے والا ہے ۔

کارتیک آریان نئی فلم میں ایک نئی حسینہ  سے عشق کرتے نظر آئیں گے

کارتیک آریان اور انوراگ باسو ایک نئے پروجیکٹ پر کام کر رہے ہیں۔ بھوشن کمار بھی اس فلم کو پروڈیوس کریں گے۔ رپورٹس کے مطابق یہ تینوں ایک لواسٹوری میں کام کرنے جا رہے ہیں۔ کہا جا رہا ہے کہ شروری واگھ اس فلم میں کارتیک آریان کے ساتھ رومانس کرتی نظر آئیں گی۔ قابل ذکر بات یہ ہے کہ اس حوالے سے کوئی تصدیق نہیں ہوئی ہے۔ اس فلم کی شوٹنگ رواں ماہ کے آخر یا فروری کے پہلے ہفتے میں شروع ہو سکتی ہے۔

بھارت ایکسپریس