Atlee To Work With Salman Khan: شاہ رخ خان کے بعد اب سلمان خان کے ساتھ دھوم مچانے آرہے ہیں ڈائریکٹر اٹلی، اسکرپٹ ہورہی ہے فائنل

Atlee To Work With Salman Khan: بلاک بسٹرفلم ’جوان‘ میں بالی ووڈ کے کنگ شاہ رخ خان کے ساتھ کام کرنے کے بعد اب ڈائریکٹر اٹلی اپنی آنے والی فلم کے لئے بالی ووڈ سپراسٹارسلمان خان کے ساتھ کام کریں گے۔ یہ خبرسننے کے بعد سے ہی فینس کافی خوش نظرآرہے ہیں۔

اٹلی نے سلمان خان کے ساتھ ملایا ہاتھ

میڈیا رپورٹس کے مطابق، اٹلی شروعات میں تیلگو سپراسٹارالّو ارجن کے ساتھ کام کرنا چاہتے تھے، لیکن الّوارجن کے پاس پہلے سے ہی کئی کمٹمنٹس تھے اور اداکار کی طرف سے کوئی صحیح جواب اس پرنہیں دیا گیا تھا۔ ایسے میں انہوں نے بالی ووڈ کے دبنگ اسٹاریعنی سلمان خان کے ساتھ ہاتھ ملایا۔ بتایا جا رہا ہے کہ الّوارجن نے اس فلم کے لئے کافی زیادہ فیس مانگی تھی۔

’جوان‘ کی طرح ہی اٹلی کی یہ آنے والی فلم بھی ایکشن انٹرٹینرہے۔ رپورٹ میں کہا گیا ہے کہ دونوں کے درمیان یقینی طور پر بات چیت چل رہی تھی، لیکن یہ بات کسی نتیجے تک نہیں پہنچ پائی۔ اٹلی فی الحال اپنی آنے والی فلم کی اسکرپٹ پرکام کررہے ہیں اورجلد ہی سن پکورس کے بینرتلے فلم کا اعلان کیا جائے گا۔ اس فلم کے آئندہ سال شوٹنگ شروع ہونے کی امید ہے۔

’سکندر‘ کی شوٹنگ میں کافی مصروف ہیں سلمان خان

سلمان خان فی الحال اے آرمروگاداس کی ہدایت کاری والی ’سکندر‘ کی شوٹنگ میں کافی مصروف ہیں، جوعامرخان کی اداکاری والی ’گجنی‘ کے لئے مشہورہیں۔ واضح رہے کہ فلم ’سکندر‘ آئندہ سال عید کے موقع پرریلیز ہوگی۔