INDIA Alliance Rally in Ranchi: ’ملک بابا صاحب کے آئین کو مانتا ہے اور بی جے پی ناگپور کے…‘ رانچی کی ریلی میں AAP لیڈر سنجے سنگھ کا بڑا حملہ

INDIA Alliance Rally in Ranchi: لوک سبھا الیکشن کے دوسرے مرحلے کے لئے انتخابی تشہیرزوروشورسے جاری ہے۔ اس درمیان جھارکھنڈ کی راجدھانی رانچی میں انڈیا الائنس کی ‘الگلان ریلی’ اپوزیشن کے لیڈران نے بی جے پی جم کرحملہ بولا۔ اس دوران عام آدمی پارٹی کے لیڈراورراجیہ سبھا رکن پارلیمنٹ سنجے سنگھ نے بی جے پی پرسخت تنقید کی۔

انہوں نے کہا کہ بی جے پی آئین میں تبدیلی چاہتی ہے۔ سنجے سنگھ نے الزام لگایا کہ ملک بابا صاحب کے آئین کو مانتا ہے جبکہ بی جے پی ناگپورکے آئین کو مانتی ہے۔ انہوں نے کہا کہ وزیراعظم مودی کہتے ہیں کہ ایک بھی بدعنوان کو نہیں چھوڑوں گا، وہ اس لئے کہتے ہیں کہ وہ سبھی ایسے لیڈران کو بی جے پی میں شامل کرلیں گے۔

سنجے سنگھ نے کہا کہ بی جے پی نے مہنگائی آسمان پرپہنچا دیا ہے۔ ملک میں بے روزگاری دی ہے۔ اس کے علاوہ انہوں نے دعویٰ کیا کہ جھارکھنڈ کی بجلی مرکزی حکومت بنگلہ دیش کو دے رہی ہے۔ انہوں نے یہ بھی کہا کہ آج مرکزی حکومت اور بی جے پی نے سب کچھ گوتم اڈانی کو دے دیا ہے۔

اس کے علاوہ سنجے سنگھ نے کہا کہ جب بی جے پی لیڈران بدعنوانی پربولتے ہیں توایسا لگتا ہے کہ اسامہ بن لادن اور ڈاکو گبرسنگھ بدعنوانی پرتقریرکر رہے ہوں۔ انہوں نے کہا کہ اس بار انڈیا الائنس بی جے پی کو ہرانے کا کام کرے گا۔