Sourav Ganguly on Virat Kohli: وراٹ کوہلی سے متعلق سوربھ گانگولی نے دیا بڑا بیان، بی سی سی آئی سے متعلق کہی یہ بڑی بات

Sourav Ganguly on Virat Kohli: ہندوستان کے سابق کپتان اور بی سی سی آئی کے سابق صدرسوربھ گانگولی نے وراٹ کوہلی کے ذریعہ ہندوستان کی ٹسٹ کپتانی چھوڑنے کے فیصلے پرحیرانی کا اظہارکیا ہے۔ گانگولی نے کہا کہ بورڈ وراٹ کوہلی کے اس فیصلے کے لئے تیارنہیں تھا۔ عالمی ٹسٹ چمپئن شپ کے فائنل میں آسٹریلیا سے ہندوستان کی شکست کے بعد، فینس کوہلی کو ٹسٹ کپتان کے طورپربحال کرنے کا مطالبہ کررہے ہیں۔ وہ اپنے ترک کی حمایت کرنے کے لئے وراٹ کوہلی کے مؤثرریکارڈ کو کپتان کے طورپرسوشل میڈیا پرشیئرکر رہے ہیں۔ اپنی مدت کار کے دوران، ٹیم انڈیا کے سابق کپتان وراٹ کوہلی نے 68 میچوں میں 40 جیت اور 11 ڈرا کے ساتھ ہندوستانی ٹسٹ کپتان کے لئے چوتھی سب سے بڑی جیت حاصل کی۔ وہ ان سبھی 28 ٹسٹ کپتانوں میں بھی تیسرے مقام پر ہے، جنہوں نے 40 یا زیادہ میچوں میں اپنی ٹیم کی قیادت کی ہے، جس میں جیت کا فیصد 50 فیصد ہے۔

سوربھ گانگولی کا بیان

سوربھ گانگولی نے ڈبلیو ٹی سی فائنل کے بعد ایک انٹرویو میں کہا، ”بی سی سی آئی وراٹ کوہلی کے ٹسٹ کپتانی چھوڑنے کے لئے تیارنہیں تھا۔ جنوبی افریقہ دورے کے بعد ہمارے لئے بھی یہ غیریقینی تھا۔ صرف وراٹ کوہلی ہی بتا سکتے ہیں کہ انہوں نے کپتانی کیوں چھوڑی۔ اس بارے میں بات کرنے کا کوئی مطلب نہیں ہے کیونکہ وراٹ کوہلی نے ٹسٹ کپتانی کو چھوڑ دیا تھا۔ سلیکٹروں کو ہندوستان کا کپتان مقرر کرنا تھا اور روہت شرما اس وقت سب سے اچھے متبادل تھے۔“

روہت شرما کی کپتانی پر اٹھے سوال

ٹیم انڈیا آئی سی سی ٹورنا منٹ میں مسلسل فلاپ ہو رہی ہے۔ ڈبلیوٹی سی فائنل ہارنے کے بعد روہت شرما ایک بارپھرکرکٹ فینس کے نشانے پرآگئے ہیں۔ موجودہ وقت میں روہت شرما ٹیم انڈیا کے تینوں فارمیٹ کے کپتان ہیں۔ تاہم جب سے انہیں ٹیم انڈیا کی کمان سونپی گئی ہے تب سے ان کا بلا بھی خاموش ہوگیا ہے۔ یعنی ان کی کپتانی سے ٹیم انڈیا کو دوہرا نقصان ہوا ہے۔

روہت شرما پر سوربھ گانگولی نے کہی یہ بڑی بات

ہندوستان کے سابق کپتان اور سابق بی سی سی آئی صدرسوربھ گانگولی سے بھی پوچھا گیا کہ کیا انہیں بھی لگتا ہے کہ ٹیم انڈیا میں بڑی تبدیلی کی ضرورت ہے۔ گانگونی نے کہا، ”میں چاہتا ہوں کہ روہت شرما بلاخوف ٹیم کی کپتانی کرتے رہیں۔ 4 ماہ کے بعد ونڈے عالمی کپ ہے۔ ایک ٹیم جس میں روہت شرما، شبھمن گل، وراٹ کوہلی، ہاردک پانڈیا، رویندر جڈیجہ، جسرپت بمراہ، محمد شمی، محمد سراج اور دوسرے بہترین کھلاڑی ہیں، وہ کبھی نا کبھی تو جیتے گا ہی”