ہندوستان کو پیرالمپک میں ایک بارپھر سے سمت انتل گولڈ میڈل جتانے میں کامیاب رہے ہیں۔ ٹوکیو پیرالمپک میں سمت انتل نے جویلن میں ہندوستان کو گولڈ میڈل دلاکر تاریخ رقم کی تھی اورپیرس پیرالمپک میں وہ اپنے کارنامے کو دوہرانے میں کامیاب رہے۔ جویلن اسٹار سمت انتل نے اس بار پیرالمپک ریکارڈ بھی توڑ دیا۔ ایف 64 جویلن تھرو مقابلے کے فائنل میں سمت انتل کا دبدبہ دیکھنے کو ملا۔
پیرالمپک ریکارڈ توڑکرجیتا گولڈ میڈل
سمت انتل نے پہلے ہی کوشش میں پیرالمپک ریکارڈ کو منہدم کردیا۔ سمت انتل نے 6911 میٹرکی کوشش کے ساتھ گولڈ میڈل پوزیشن حاصل کی۔ اس کے بعد دوسری کوشش میں انہوں نے پیرا لمپک ریکارڈ کو بہترکیا۔ اس بار وہ بھالا 7059 میٹردور پھینکنے میں کامیاب رہے۔ وہیں، گزشتہ چمپئن سمت انتل نے اپنی تیسری کوشش میں 66.66 میٹرکی دوری حاصل کی۔ اس کے بعد سمت اپنی چوتھی کوشش میں فاول تھرو کرکے بیٹھے اورپانچویں کوشش میں 69.04 میٹرکی دوری حاصل کی۔ سمت نے 66.57 میٹر کی اپنی آخری کوشش کے ساتھ اختتام کیا۔
اسی کے ساتھ سمت انتل پیرس پیرالمپک میں اپنے گولڈ میڈل کا بچاوکرنے میں بھی کامیاب رہے۔ یہ سال ابھی تک ان کے لئے کافی یادگاررہا ہے۔ سمت انتل نے اسی سال پیرا ورلڈ چمپئن شپ میں 69.50 میٹربھالا پھینک کرگولڈ اپنے نام کیا تھا۔ وہیں، ٹوکیو اولمپک میں انہوں نے 68.55 میٹرکی کوشش سے گولڈ میڈل جیتا تھا۔ واضح رہے کہ ایف 64 جویلن تھروکا ورلڈ ریکارڈ بھی ان کے ہی نام ہے۔ انہوں نے ہانگجھووایشیائی پیرا کھیلوں میں 73.29 میٹرکی دوری حاصل کی تھی۔
منشور جاری کرنے کا یہ پروگرام روہتک میں بی جے پی کے میڈیا سینٹر میں…
اطلاعات کے مطابق کالکاجی حلقہ سے AAP ایم ایل اے آتشی وزیر اعلیٰ کا عہدہ…
اس رپورٹ میں یہ بھی دعویٰ کیا گیا ہے کہ ہندوستانی حکومت کینیڈا کے اندرونی…
منورما دیوی کے شوہر بندیشوری یادو ضلع کونسلر کے صدر رہ چکے ہیں۔ ان کا…
دہلی پولیس اور یوپی پولیس کے اسپیشل سیل کے اس مشترکہ آپریشن میں کل آٹھ…
کانگریس لیڈر نے کہا، ’’کانگریس اور راہل گاندھی بی جے پی کی دھمکیوں سے ڈرنے…