Kabul Blast near Attorney General: کابل میں فدائین حملہ، اٹارنی جنرل آفس کے پاس ہوئے دھماکے میں 5 غیرملکیوں سمیت 10 افراد کی موت

کابل میں ہوئے فدائین حملہ میں 10 افراد ہلاک ہوگئے ہیں۔

افغانستان کی راجدھانی کابل میں خود کش حملہ ہوا ہے۔ اٹارنی جنرل آفس کے پاس ہوئے دھماکے میں 5 غیرملکیوں سمیت 10 افراد کی موت ہوگئی ہے۔ یہ خود کش حملہ اس وقت ہوا جب سرکاری ملازم کام ختم کرکے گھر کے لئے نکل رہے تھے۔ عینی شاہدین کا کہنا ہے کہ خود کش حملہ آور کا نشانہ گاڑیوں میں سوار طالبان کے سرکاری افسر تھے۔ ابھی تک اس حملے کی کسی دہشت گرد تنظیم نے ذمہ داری نہیں لی ہے۔

اسی سال مئی میں افغانستان کے بامیان صوبہ میں حملہ آوروں نے تین غیرملکیوں سمیت چار لوگوں کا گولی مارکر قتل کردیا تھا۔ اندھا دھند فائرنگ میں سات افراد زخمی ہوئے تھے۔ اس حملے سے متعلق طالبان کے ایک ترجمان نے کہا تھا کہ وسطی افغانستان میں دیرشام تک کئی بندوق برداروں نے گولی باری کی۔ اس میں تین غیرملکی شہریوں سمیت چارلوگوں کی موت ہوگئی۔ جائے حادثہ سے چار مشتبہ افراد کوگرفتارکیا گیا۔ طالبان نے اگست 2021 میں افغانستان میں اقتدارپرقبضہ کیا تھا۔

2008 میں کابل میں ہوا تھا بڑا خود کش حملہ

کابل میں سال 2008 میں بڑا خود کش حملہ ہوا تھا۔ اس میں ہندوستانی سفارت خانہ کو نشانہ بنایا گیا تھا۔ 7 جولائی 2008 کو ہندوستانی سفارت خانہ پرہوئے خود کش حملے میں 58 لوگوں کی موت ہوئی تھی۔ 141 لوگ زخمی ہوئے تھے۔ اس حملے سے متعلق امریکہ نے دعویٰ کیا تھا کہ پاکستان کی خفیہ ایجنسی آئی ایس آئی کے اشارے پراسے انجام دیا گیا تھا۔

الزام کو پاکستان نے بتایا تھا بے بنیاد

حالانکہ پاکستان نے اس دعوے کو مسترد کردیا تھا۔ پاکستانی وزارت خارجہ نے اسے پوری طرح سے بکواس قراردیا تھا۔ پاکستان نے کہا تھا کہ اس میں آئی ایس آئی کے ملوث ہونے کا کوئی ثبوت نہیں ہے۔ اس حملے سے متعلق افغانساتن کی وزارت داخلہ نے کہا تھا کہ ابتدائی جانکاری میں پتہ چلا ہے کہ اس حملے کا اہم ہدف سیکورٹی اہلکار نہیں بلکہ ہندوستانی سفارت خانہ تھا۔ دھماکہ کے وقت ہندوستانی سفیراور ان کے ڈپٹی عمارت کے اندر تھے۔ انہیں کوئی چوٹ نہیں آئی تھی۔