Pakistan Cricket: بابر اعظم نے ٹیم سے نکالا تو اس کھلاڑی نے چھوڑ دیا ملک، اب یو ایس اے سے کھیلے گا کرکٹ

پاکستان کے لئے تینوں فارمیٹ کھیل چکے فواد عالم نے اپنے ملک سے ناطہ توڑ لیا ہے۔ فواد گزشتہ کچھ وقت سے پاکستان سے ٹیم سے باہر چل رہے تھے۔ اب انہوں نے پاکستان سے ناطہ توڑ کر ریاست ہائے متحدہ امریکہ (یو ایس اے) سے کھیلنے کا فیصلہ کیا ہے۔ لمبے کیریئرکے بعد فواد عالم نے پاکستان کرکٹ بورڈ سے اپنی راہیں الگ کرلی ہیں۔

فواد عالم امریکہ میں ہونے والی مائنرلیگ کرکٹ ٹی-20 میں شکاگو کنگس مین کی طرف لوکل پلیئرکے طور پرکھیلتے ہوئے دکھائی دیں گے۔ وہ سمیع اسلم، حماد اعظم، سیف بدراورمحمد محسن جیسے پاکستانی کھلاڑیوں کی لمبی فہرست میں شامل ہوگئے، جو امریکہ چلے گئے۔ فواد عالم نے مئی 2007 میں ونڈے کے ذریعہ انٹرنیشنل ڈیبیو کیا تھا۔ اس کے بعد اسی سال ستمبر میں انہوں نے ٹی-20 انٹرنیشنل میں پاکستان کے لئے ڈیبیو کیا۔

آخر میں سال 2009 میں فواد عالم نے پاکستان کے لئے ٹسٹ کرکٹ میں ڈیبیو کیا۔ پہلے ٹسٹ میں سنچری لگانے والے فواد عالم کو تین ٹسٹ کے بعد ڈراپ کردیا گیا اور پھر 11 سال کے لمبے وقفہ کے بعد 2020 میں فواد عالم کو ایک بار پھر ٹ سٹ ٹیم کا حصہ بنایا گیا۔ وہیں فواد نے پاکستان کے لئے اپنا آخری ٹسٹ جولائی، 2022 میں کھیلا تھا۔ ونڈے میں فواد عالم آخری بار 2015 میں اور ٹی-20 انٹرنیشنل میں 2010 میں دکھائی دیئے تھے۔

فواد عالم نے اپنے کیریئر میں پاکستان کے ئلے 19 ٹسٹ، 38 ونڈے اور 24 ٹی-20 انٹرنیشنل میچ کھیلے۔ ٹسٹ کی 30 اننگوں میں انہوں نے 38.88 کی اوسط سے 1011، ونڈے کی 36 اننگوں میں انہوں نے 40.25 کی اوسط سے 966 اور ٹی-20 انٹرنیشنل کی 17 اننگوں میں 194 رن بنائے۔ فواد نے انٹرنیشنل کرکٹ میں کل 6 سنچری لگائی۔

یہ بھی پڑھیں:  Inzamam ul Haq appointed chief selector: پاکستان کے سابق کپتان انضمام الحق کو پاکستانی کرکٹ بورڈ میں ملی بڑی ذمہ داری

اس کے علاوہ فرسٹ کلاس میں فواد عالم کے اعدادوشمار بے حد ہی شانداررہے۔ انہوں نے 201 فرسٹ کلاس میچوں کی 314 اننگوں میں 55.65 کی اوسط سے 14526 رن بنائے۔ اس دوران انہوں نے 43 سنچری اور70 نصف سنچری لگائی، جس میں ان کا سب سے زیادہ 296 رن ناٹ آؤٹ رہا۔