Paris Olympics 2024: نکہت زرین کا شاندار آغاز،پہلے ہی میچ میں مخالف ٹیم کو 5-0 سے دی شکست

ملک کی اسٹار خاتون باکسر نکہت زرین نے پیرس اولمپکس کا آغاز دھوم دھام سے کیا ہے۔نکہت زرین پہلی بار اولمپکس میں کھیل رہی ہیں۔ انہوں نے راؤنڈ آف 32 کے میچ میں مخالف ٹیم کو 5-0 سے شکست دی۔ عالمی چیمپئن نکہت زرین نے 50 کلوگرام کیٹیگری میں جرمن باکسر میکسی کلوٹزر کو یک طرفہ انداز میں شکست دی۔

اس جیت کے ساتھ ہی نکہت زرین پری کوارٹر فائنل میں پہنچ گئی ہیں۔ دو بار کی عالمی چیمپئن نکہت زرین نے 2022 کے کامن ویلتھ گیمز میں گولڈ میڈل اور 2022 کے ایشین گیمز میں کانسی کا تمغہ جیتا ہے۔ وہ 2022 اور 2023 میں عالمی چیمپئن رہ چکی ہیں۔ نکہت  پیرس اولمپکس میں گولڈ میڈل جیتنے کے دعویداروں میں شامل ہیں۔

نکہت زرین کا مقابلہ پری کوارٹر میں چینی کھلاڑی سے ہوگا۔

نکہت  کو جمعرات کو کھیلے جانے والے پری کوارٹر فائنل میں ایشیائی کھیلوں اور موجودہ فلائی ویٹ عالمی چیمپئن چین کے وو یو سے چیلنج کا سامنا کرنا پڑے گا۔ ٹاپ سیڈ وو یو کو پہلے راؤنڈ میں بائی مل گئی ہے۔

ہندوستان کو پیرس اولمپکس میں خواتین کی باکسنگ میں لولینا بورگوہین اورنکہت زرین سے بہت امیدیں ہیں۔ لولینا نے ٹوکیو اولمپکس میں کانسی کا تمغہ جیتا تھا۔ تلنگانہ کے نظام آباد کی رہنے والی نکہت زرین نے پہلے ہی تجربہ کار ایم سی میری کوم کے سائے سے خود کو آزاد کر کے رنگ میں اپنی جگہ بنا لی ہے۔ نکہت زرین کا مستقبل روشن ہے۔

بھارت ایکسپریس۔