Bangladesh New Captain: مہدی حسن کی چھٹی، ہندو کھلاڑی بنا بنگلہ دیش کا نیا کپتان

بنگلہ دیش کرکٹ بورڈ (بی سی بی) نے بدھ (29 جولائی) کو ونڈے کے نئے کپتان کا اعلان کردیا۔ ٹی-20 میں پہلے سے ہی بنگلہ دیش کے لئے کپتانی کی ذمہ داری سنبھال رہے لٹن داس کو ونڈے کا بھی کپتان بنا دیا گیا ہے، جو ہندو مذہب سے تعلق رکھتے ہیں۔ لٹن داس نے مہدی حسن معراج کی جگہ لی ہے۔ اس طرح سے بنگلہ دیش نے ہندومسلم یکجہتی کی بہترین مثال پیش کی ہے۔

قابل ذکرہے کہ یہ پہلا موقع نہیں ہے جب وکٹ کیپربلے بازلٹن داس کوونڈے ٹیم کی کمان سونپی گئی ہے۔ وہ اس سے پہلے 2022 سے 2023 کے درمیان فارمیٹ کے 7 میچوں میں ٹیم کی کپتانی کرچکے ہیں۔ بتایا گیا کہ لٹن داس 2027 ونڈے ورلڈ کپ تک ٹیم کی کمان سنبھالیں گے۔ ٹیم کے لئے ٹورنا منٹ بہت اہم ہوگا۔ اب دیکھنا دلچسپ ہوگا کہ لٹن داس کی کپتانی میں بنگلہ دیش کی ونڈے ٹیم کیسی کارکردگی کا مظاہرہ کرتی ہے۔

مہدی حسن کی کپتانی میں بنگلہ دیش نے پاکستان کو ہرایا

حالانکہ غورکرنے والی بات یہ ہے کہ بنگلہ دیش نے حال ہی میں پاکستان کے خلاف مسلسل ونڈے سیریزمیں جیت حاصل کی۔ مارچ میں بنگلہ دیش نے مہدی حسن معراج کی کپتانی میں پاکستان کے خلاف 1-2 سے ونڈے سیریزجیتی تھی۔ اس کے بعد جون میں بنگلہ دیش نے ان کی کپتانی میں آسٹریلیا کے خلاف 1-2 سے جیت درج کی، لیکن اس کے بعد بھی بورڈ نے ونڈے کپتان بدلنے کا فیصلہ کیا، جوتھوڑا توحیران کرنے والا رہا۔

لٹن داس کا انٹرنیشنل کیریئر

نظرڈالیں لٹن داس کے انٹرنیشنل کیریئرپر، تووہ بنگلہ دیش کے لئے تینوں فارمیٹ میں کھیلتے ہیں۔ ان کا انٹرنیشنل کیریئر11 سال کا ہوچکا ہے۔ اس دوران انہوں نے 54 ٹسٹ، 104 ونڈے اور 122 ٹی-20 انٹرنیشنل مقابلے کھیل لئے ہیں۔ ٹسٹ کی 94 اننگوں میں بلے بازی کرتے ہوئے لٹن داس نے 36.47 کی اوسط سے 3356 رن بنائے، جس میں 6 سنچری اور20 نصف سنچری شامل رہے۔ اس کے علاوہ ونڈے کی 103 اننگوں میں بلے بازی کرتے ہوئے انہوں نے 30.84 کی اوسط سے 2869 رن اسکورکئے، جس میں 5 سنچری اور14 نصف سنچری شامل رہیں۔ اس کے علاوہ ٹی-20 انٹرنیشنل کی 120 اننگوں میں ان کے بلے سے 2702 رن نکلے۔ اس دوران 23.49 کا اوراسٹرائیک ریٹ 126.79 کا رہا۔ 16 نصف سنچری بھی لگائے، جس میں ہائی اسکور83 رنوں کا رہا۔

بھارت ایکسپریس اردو-