Latest ICC Rankings Update: آئی سی سی نے جاری کی تازہ رینکنگ، ٹی-20رینکنگ میں ہندوستانی نمبر-1، جانئے کیا ہوئی تبدیلی

خواتین ٹی-20 ورلڈ کپ 2026 کے درمیان انٹرنیشنل کرکٹ کونسل (آئی سی سی) نے تازہ رینکنگ جاری کی ہے۔ ٹیم انڈیا پہلے ہی ورلڈ کپ سے باہرہوچکی ہے، لیکن شری چرانی کی بادشاہت پرکوئی اثرنہیں پڑا ہے۔ شری چرانی دنیا کی نمبر-1 ٹی-20 گیند بازبنی ہوئی ہیں۔ وہیں، بلے بازی رینکنگ میں ہرمن پریت کور، اسمرتی مندھانا اورشیفالی ورما ٹاپ-10 میں بنی ہوئی ہیں۔

شری چرانی کی بادشاہت قائم

ہندوستان کی اسپن گیند بازشری چرانی دنیا کی نمبر-1 ٹی-20 گیند باز بنی ہوئی ہیں، جنہوں نے گزشتہ ہفتے ہی پہلے مقام پرقبضہ جمایا تھا۔ انہوں نے ٹی-20 ورلڈ کپ ٹورنا منٹ میں کل 14 وکٹ حاصل کئے۔ ان کے علاوہ دپتی شرما ایسی دوسری گیند بازہیں، جوٹاپ-10 میں بنی ہوئی ہیں۔ انگلین کی لارین بیل نے لمبی چھلانگ لگائی ہے، جوساتویں سے چوتھے مقام پرآگئی ہیں۔

بلے بازوں کے ٹاپ-10 میں تین ہندوستانی

خواتین ٹی-20 بلے بازی رینکنگ میں آسٹریلیا کی جارجیا وال نمبر-1 بنی ہوئی ہیں اورانگلینڈ کی چارلی ڈین دوسرے مقام پرہیں۔ ٹی-20 میں ہندوستان کی سب سے بہترین بلے بازاسمرتی مندھانا ہیں، جو پانچویں مقام پرہیں اورشیفالی ورما چھٹے مقام پربنی ہوئی ہیں۔ کپتان ہرمن پریت کورابھی 10ویں مقام پرہیں۔ رچا گھوش اورجیمیما روڈریگس کوبلے بازی رینکنگ میں نقصان ہوا ہے۔

It’s tight at the top of the ICC Women’s T20I Player Rankings heading into the knockout stages of the #T20WorldCup 👀

Details 👇https://t.co/NxGkKSAVGm

— ICC (@ICC) June 30, 2026

وہیں ٹی-20 کی آل راونڈررینکنگ میں ٹاپ-10 میں دپتی شرما واحد ہندوستانی ہیں، جوابھی پانچویں مقام پرہیں۔ شیفالی ورما نے چارمقام کی چھلانگ لگاتے ہوئے 22واں مقام حاصل کیا ہے۔ ٹیموں کی رینکنگ پرنظرڈالیں توآسٹریلیا پہلے، انگلینڈ دوسرے اورہندوستان تیسرے مقام پرہے۔ خواتین ٹی-20 ورلڈ کپ 2026 کا سیمی فائنل شیڈول سیٹ ہوچکا ہے۔ پہلے سیمی فائنل میں آسٹریلیا اورویسٹ انڈیزکی ٹکرہوگی، جبکہ دوسرے سیمی فائنل میں جنوبی افریقہ اور انگلینڈ آمنے سامنے آئیں گے۔

بھارت ایکسپریس اردو-