Bharat Tiwari Encounter Case: سپریم کورٹ نے سماعت سے کیا انکار، درخواست گزار کو ہائی کورٹ سے رجوع کرنے کی ہدایت

نئی دہلی: بہار کے بھوجپور میں پیش آئے بھرت بھوشن تیواری انکاؤنٹر معاملے میں سپریم کورٹ نے سی بی آئی سے تحقیقات کرانے کی درخواست پر سماعت کرنے سے انکار کر دیا ہے۔ عدالت عظمیٰ نے درخواست گزار کو متعلقہ ہائی کورٹ سے رجوع کرنے کی آزادی دیتے ہوئے کہا کہ وہ وہاں اپنی عرضی دائر کی جاسکتی ہے۔یہ معاملہ بہار کے ضلع بھوجپور میں پولیس انکاؤنٹر کے دوران بھرت بھوشن تیواری کی ہلاکت سے متعلق ہے۔ مقتول کے اہل خانہ اور درخواست گزاروں کا الزام ہے کہ یہ ایک فرضی انکاؤنٹر تھا، اس لیے معاملے کی غیر جانبدارانہ تحقیقات کے لیے اسے مرکزی تفتیشی ایجنسی (سی بی آئی) کے حوالے کیا جانا چاہیے۔قابل ذکر بات یہ ہے کہ سپریم کورٹ نے اس مفادِ عامہ کی عرضی (PIL) پر سماعت سے انکار کرتے ہوئے درخواست خارج کر دی۔

#WATCH | Ara, Bihar | Supreme Court to hear Bharat Tiwari encounter case today

His mother, Asha Tiwari, says, “It was not an encounter but a murder by the Administration because he was engaged in social service. He knew about the Rs 1400 crore corruption, and this is why he was… pic.twitter.com/dAz3rYK9o9

— ANI (@ANI) June 30, 2026

سماعت کے دوران درخواست گزار کے وکیل نے مؤقف اختیار کیا کہ مبینہ فرضی انکاؤنٹر بنیادی حقوق سے متعلق ایک سنگین معاملہ ہے اور ملک کی مختلف ریاستوں میں اس نوعیت کے واقعات میں اضافہ ہو رہا ہے، اس لیے سپریم کورٹ کو براہ راست مداخلت کرنی چاہیے۔اس پر عدالت نے سخت موقف اختیار کرتے ہوئے سوال کیا کہ جب اس نوعیت کے دیگر مقدمات پہلے سے زیرِ سماعت ہیں تو نئی مفادِ عامہ کی درخواست دائر کرنے کی ضرورت کیوں پیش آئی؟ عدالت نے یہ بھی دریافت کیا کہ درخواست گزار اس معاملے میں کون ہیں اور براہ راست سپریم کورٹ سے رجوع کرنے کی کیا وجہ ہے۔

#WATCH | Ara, Bihar | “We have faith. You are seeing the state we are in today,” says Kashinath Tiwari, Bharat Tiwari’s father, ahead of the Supreme Court hearing the Bharat Tiwari encounter case today.

Bharat Bhushan Tiwari was killed in a police encounter in Bilauti village,… pic.twitter.com/lfFrnW6boT

— ANI (@ANI) June 30, 2026

درخواست گزار کی جانب سے عدالت کو بتایا گیا کہ اس معاملے سے متعلق کچھ دیگر درخواستیں پہلے ہی زیرِ التوا ہیں، اس کے باوجود سپریم کورٹ نے اس مقدمے کو سماعت کے لیے قبول کرنے سے انکار کر دیا۔عدالت کے اس فیصلے کے بعد
رخواست گزار کے پاس اب متعلقہ ہائی کورٹ میں عرضی دائر کرکے سی بی آئی تحقیقات یا دیگر قانونی ریلیف طلب کرنے کا راستہ باقی رہ گیا ہے۔

Delhi: On the Supreme Court’s refusal to hear his plea in the Bharat Bhushan Tiwari encounter case, petitioner Advocate Vishal Tiwari says, “The main objective of our petition was to address the growing culture of encounters, particularly the recent extrajudicial killing of… pic.twitter.com/niUTo152GX

— IANS (@ians_india) June 30, 2026

واضح رہے کہ بہار کے ضلع بھوجپور میں پولیس نے ایک متنازع انکاؤنٹر میں بھرت بھوشن تیواری کو ہلاک کر دیا تھا۔ اس واقعے کے بعد پولیس اور ریاستی حکومت کے بیانات کو لے کر تنازع پیدا ہو گیا تھا۔ مقتول کے اہل خانہ اور مقامی افراد کا الزام ہے کہ بھارت بھوشن کو فرضی انکاؤنٹر میں قتل کیا گیا، جبکہ پولیس نے اپنے اقدام کو قانونی قرار دیا ہے۔اسی معاملے میں غیر جانبدارانہ تحقیقات کے مطالبے کے ساتھ سپریم کورٹ میں سی بی آئی جانچ کی درخواست دائر کی گئی تھی، عدالت عظمیٰ نے اس پر براہ راست سماعت سے انکار کرتے ہوئے درخواست گزار کو ہائی کورٹ سے رجوع کرنے کی ہدایت دی ہے۔

بھارت ایکسپریس اردو