-بھارت ایکسپریس
گجرات ٹائٹنس کے اسٹار کھلاڑی کین ولیمسن زخمی ہوگئے ہیں۔
Kane Williamson Ruled Out: ہاردک پانڈیا نے آئی پی ایل 2023 میں بھی بطور کپتان شاندار آغاز کیا ہے۔ دفاعی چمپئن گجرات ٹائٹنس نے ٹی-20 لیگ کے 16ویں سیزن کے پہلے مقابلے میں چنئی سپرکنگس کو 5 وکٹ سے شکست دی۔ تاہم میچ کے بعد ہاردک پانڈیا کو بری خبر ملی۔ نیوزی لینڈ کے عظیم کھلاڑی کین ولیمسن چوٹ کے سبب آئی پی ایل 2023 سے باہر ہوگئے ہیں۔ وہ پہلے میچ میں پلیئنگ الیون تک میں شامل تھے، لیکن فیلڈنگ کے دوران چھکا بچانے کی کوشش میں وہ زخمی ہوگئے تھے۔ گزشتہ دنوں آکشن میں گجرات نے انہیں ٹیم میں شامل کیا تھا۔ وہ گزشتہ سیزن میں سن رائزرس حیدرآباد کے کپتان تھے۔
کین ولیمسن کے آنے سے گجرات ٹائٹنس کو مڈل آرڈر میں ایک بھروسے مند بیٹرمل گیا تھا۔ گزشتہ سیشن میں وجے شنکر نمبر-3 پر کچھ خاص کھیل نہیں دکھا سکے تھے۔ اسپورٹس تک کی خبر کے مطابق، کین ولیمسن چوٹ کے سبب آئی پی ایل 2023 سے باہر ہوگئے ہیں۔ وہ میچ کے 13ویں اوور میں زخمی ہوئے تھے۔ اس کے بعد انہیں ٹیم کے 2 سپورٹ اسٹاف سہارا دے کر باہر لے گئے تھے۔ تبھی سے ان کے کھیلنے سے متعلق کشمکش کی صورتحال پیدا ہوگئی تھی۔ حالانکہ انہوں نے زخمی ہونے سے پہلے 2 رن ضرور بچائے تھے۔
یہ بھی پڑھیں: IPL 2023: چنئی کے خلاف ہاردک پانڈیا نے لگائی ہیٹ ٹرک، اوپننگ مقابلے میں گجرات ٹائٹنس کی شاندار جیت
میچ کے بعد کپتان ہاردک پانڈیا نے کین ولیمسن سے متعلق اپڈیٹ بھی دیا تھا۔ انہوں نے کہا کہ ان کے گھٹنے میں چوٹ ہے۔ میں نے اہیں میسیج بھی کیا، لیکن چوٹ کے اپڈیٹ کے بارے میں مجھے ابھی معلوم نہیں ہے۔ وہ اسکین کرانے گیا ہے۔ ڈاکٹر کی جانچ کے بعد ہی کچھ پتہ چل سکے گا۔ 32 سال کے کین ولیمسن نے آئی پی ایل میں اب تک 78 میچ کھیلے ہیں، اس میں انہوں نے 36 کی اوسط سے 2101 رن بنائے ہیں۔ 18 نصف سنچری بھی لگائی ہے۔ 89 رنوں کی اننگ ان کی سب سے بہترین اننگ ہے۔ انہوں نے اوورآل ٹی-20 کے 246 میچوں میں 6304 رن بنائے ہیں۔ ایک سنچری اور 4 سنچریاں لگائی ہیں۔ اسٹرائیک ریٹ 123 کا ہے۔ وہ 150 سے زیادہ چھکے بھی لگا چکے ہیں۔
-بھارت ایکسپریس
بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…
جنوبی کوریا میں سی ایس اے ٹی کا امتحان 19 نومبر کو منعقد کیا گیا…
ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…
چوتھے دن بھارت نے اپنی اننگز 4 وکٹ کے نقصان پر 486 رن سے آگے…
فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…
بھارتی کرکٹ ٹیم کے معروف اسپنر یوزویندر چہل کو بھارتیہ جنتا پارٹی (بی جے پی)…