-بھارت ایکسپریس
IPL 2024: آئی پی ایل 2024 سے پہلے بی سی سی آئی ایکشن میں ہے۔ پہلے ہندوستانی حکومت نے چینی برانڈ پرایکشن لیا تھا۔ اب بی سی سی آئی بھی چینی برانڈ کے خلاف بڑا ایکشن لینے کا منصوبہ بنا رہا ہے۔ واضح رہے کہ آئی پی ایل فینس کو یقینی طوردلچسپی کا سامان فراہم کرتا ہے۔ اس کے ساتھ ہی کئی برانڈوں کا پرموشن بھی کرتا ہے۔ آئی پی ایل میچ کے دوران گراؤنڈ پر بڑے بڑے پوسٹرلگا کرالگ الگ برانڈوں کی تشہیرکی جاتی ہے، لیکن اس بار بی سی سی آئی چین کوبڑا جھٹکا دے سکتا ہے۔ چینی فوجی مسلسل ہندوستان کی سرحد میں دراندازی کی کوشش کرتے ہیں، اس وجہ سے بی سی سی آئی نے بڑا ایکشن لینے کا فیصلہ کیا ہے۔
بی سی سی آئی کن برانڈوں کو نہیں کرے گا اسپانسر
بی سی سی آئی نے اس بڑے ٹورنا منٹ سے پہلے کہا کہ جس بھی برانڈ کا رشتہ ہندوستانی حکومت کے ساتھ ٹھیک نہیں ہے، اگلے آئی پی ایل سیزن میں ان برانڈوں کو بی سی سی آئی کے ذریعہ اسپانسر نہیں کیا جائے گا۔ بتایا جا رہا ہے کہ بی سی سی آئی نے یہ فیصلہ چینی فوجیوں کی دراندازی کرنے کی وجہ سے لیا ہے۔ بی سی سی آئی کن برانڈوں کو اسپانسرنہیں کرے گا، ابھی تک اس کی فہرست سامنے نہیں آئی ہے۔ حالانکہ ابھی تک اس بات پرمہرنہیں لگی ہے کہ بی سی سی آئی چینی برانڈ پرایکشن لے سکتا ہے۔
آئی پی ایل میں کھیلے جائیں گے 70 مقابلے
آئی پی ایل 2024 میں کل 10 ٹیمیں حصہ لینے والی ہیں۔ کرکٹ کے سب سے بڑے ٹورنا منٹ میں سے ایک آئی پی ایل کا آغازیا پھراپریل مہینے میں ہوگا۔ اس کے بعد جون مہینے میں اس کا فائنل مقابلہ کھیلا جاسکتا ہے۔ واضح رہے کہ اس ٹورنا منٹ میں کل 70 مقابلے کھیلے جائیں گے۔ اس سے متعلق 19 دسمبر کو ہی آکشن ہوچکا ہے۔ آکشن میں آئی پی ایل تاریخ کے سب سے مہنگے کھلاڑی آسٹریلیا کے تیز گیند باز مچیل اسٹارک بنے ہیں۔ کولکاتا نائٹ رائیڈرس نے مچیل اسٹارک کو 24.75 کروڑ روپئے میں اپنی ٹیم میں شامل کیا ہے۔
-بھارت ایکسپریس
ہندوستان اوربنگلہ دیش کے درمیان تین میچوں کی ٹی-20 سیریز کھیلی جانی ہے، جس کی…
شملہ ضلع عدالت کے ذریعہ سنجولی میں مسجد کی مبینہ غیرقانی تعمیرات کو منہدم کرنے…
انل وج نے کہا کہ ہریانہ کی تمام 90 سیٹوں پر بی جے پی کی…
ککڑڈوما کورٹ کے ایڈیشنل سیشن جج سمیر باجپئی نے یہ بھی کہا کہ ملزم کی…
اپنے دورے کے دوران پی ایم مودی نے پوہرا دیوی میں جگدمبا ماتا مندر میں…
دیوانشی نے 25 میٹر معیاری پسٹل مقابلے میں طلائی تمغہ جیت کر آئی ایس ایس…