Women’s Premier League: ممبئی انڈینس نے رائل چیلنجزس بنگلور کو 9وکٹ سے شکست دی

ویمنز پریمیئر لیگ 2023 کا چوتھا میچ ممبئی انڈینس (ایم آئی) اور رائل چیلنجزس بنگلور (آر سی بی) کے درمیان ممبئی کے بیبراؤن اسٹیڈیم میں کھیلا گیا۔ اس میچ میں آر سی بی کی کپتان اسمرتی مندھانا نے ٹاس جیت کر پہلے بلے بازی کا فیصلہ کیا۔ پہلے کھیلتے ہوئے رائل چیلنجزس  بنگلور (آر سی بی) کی ٹیم نے 18.4 اوور میں 155 رنز بنائے اور ممبئی کو جیت کے لیے 156 رنز کا ہدف دیا۔

ممبئی انڈینس اور رائل چیلنجزس بنگلور(آر سی بی) کے درمیان بیبراؤن اسٹیڈیم میں کھیلے گئے میچ میں ممبئی نے بنگلور کو 9 وکٹ سے شکست دی۔ ہرمن پریت کور کی قیادت میں ممبئی انڈینس نے بنگلور سے 156 رنز کے ہدف کا تعاقب کرتے ہوئے 14.2 اوور میں ایک وکٹ پر 159 رنز بناکر  میچ 9 وکٹوں سے جیت لیا۔ ۔ ممبئی کی طرف سے ہیلی میتھیوز نے 38 گیندوں میں 77 رنز کی دھماکہ خیز پاری کھیلی۔ قابل ذکر بات یہ ہے کہ نیٹ سیور برنٹ نے 29 گیند میں 55 رنز بنائے۔ بنگلور کی طرف سے پریتی بوس
صرف 1 وکٹ حاصل کر سکیں۔
ممبئی کے بلے باز ہیلی میتھیوز اور برنٹ کی طوفانی اننگز کے سامنے آر سی بی کے گیند باز بالکل بے بس نظر آئے۔ ہیلی نے ناقابل شکست 77 رنز بنائے جب کہ برنٹ نے ناقابل شکست 55 رنز بنائے اور دونوں نے 114 رنز کی شاندار پاری کھیلی ۔

اس لیگ میں ممبئی کی ٹیم کی یہ لگاتار دوسری جیت تھی جبکہ آر سی بی کو لگاتار دوسرے میچ میں شکست کا منہ دیکھنا پڑا۔ دو میچوں میں لگاتار دو جیت کے ساتھ ممبئی کی ٹیم کے 4 پوائنٹس ہیں اور یہ ٹیم پوائنٹس ٹیبل پر بدستور سرفہرست ہے۔