Doctor’s daughter murdered in Noida: نوئیڈا میں سنسنی خیز واردات: نامعلوم بدمعاشوں نے ڈاکٹر کی بیٹی کا کیا قتل، گھر سے لوٹے 25 لاکھ روپے

نوئیڈا: نامعلوم بدمعاشوں نے پولیس اسٹیشن سیکٹر ایکوٹیک -3 علاقے کے سرسوتی انکلیو کے گاؤں سوتیانہ میں رہنے والے ایک ڈاکٹر کی 14 سالہ بیٹی کو قتل کرنے کے بعد گھر سے 25 لاکھ روپے لوٹ لئے۔ یہ معلومات پولیس نے دی۔ پولیس واقعہ کی رپورٹ درج کرکے معاملے کی تفتیش کررہی ہے۔ پولیس کے مطابق ڈاکٹر نے قتل کا شبہ اپنے ایک جاننے والے پر ظاہر کیا اور پولیس اسے حراست میں لے کر پوچھ تاچھ کر رہی ہے۔

میرٹھ کے رہنے والے ہیں ڈاکٹر سدرشن

ڈپٹی کمشنر آف پولیس (زون سوم) انیل کمار یادو نے کہا کہ ڈاکٹر سدرشن بیراگی (بی اے ایم ایس) کا، میرٹھ ضلع کے رہنے والے جو فی الحال نوئیڈا کے سوتیانہ گاؤں کے سرسوتی انکلیو میں اپنی فیملی کے ساتھ رہتے ہیں، نوئیڈا کے سیکٹر 93 کے گیجھا گاؤں میں کلینک ہے۔ انہوں نے بتایا کہ ڈاکٹر بیراگی منگل کی صبح اپنی 14 سالہ بیٹی شلپی کو بیوی اور دو بچوں کے ساتھ گھر پر چھوڑ کر صبح کلینک چلے گئے۔ انہوں نے بتایا کہ جب وہ دوپہر ڈیڑھ بجے گھر واپس آئے تو انہوں نے دیکھا کہ ان کی بیٹی شلپی بستر پر پڑی ہوئی تھی، اس کے گلے میں دوپٹے کا پھندا لگا ہوا تھا اور اس کے منہ سے خون نکل رہا تھا۔

بیٹی کو فیلکس اسپتال میں کرایا داخل

ڈی سی پی نے مزید کہا کہ ڈاکٹر نے ان کی بیٹی کو نوئیڈا کے فیلکس اسپتال میں داخل کرایا، جہاں ڈاکٹروں نے اسے مردہ قرار دے دیا۔ ڈی سی پی نے بتایا کہ سدرشن بیراگی کے مطابق گھر سے 25 لاکھ روپے غائب ہیں۔ انہوں نے بتایا کہ ڈاکٹر نے چند روز قبل ایک پلاٹ فروخت کیا تھا اور مذکورہ رقم اسی کی تھی۔ انہوں نے بتایا کہ گھر کا سارا سامان بھی بکھرا ہوا تھا۔ انہوں نے بتایا کہ ڈاکٹر نے ان کے گاؤں میں رہنے والے ایک شخص پر شبہ ظاہر کیا ہے، جسے حراست میں لے کر پوچھ تاچھ کی جا رہی ہے۔ انہوں نے دعویٰ کیا کہ اس واقعے کا جلد ہی انکشاف کر دیا جائے گا اور اس کے لیے آس پاس نصب سی سی ٹی وی کیمروں کی فوٹیج کو دیکھا جا رہا ہے۔

یہ بھی پڑھیں: مہاراشٹر میں بڑا حادثہ، تھانے میں کنٹینر ٹرک نے جیپ کو ماری ٹکر، 6 طلبا کی موت، 8 دیگر زخمی

بھارت ایکسپریس۔