Umesh Pal Murder: امیش پال کے قتل میں مطلوب 5 ملزمان پر 5-5 لاکھ کا انعام، عتیق کا بیٹا بھی بنا موسٹ وانٹڈ

مافیا عتیق احمد کی بہن عائشہ اور اس کی دو بیٹیاں بھی وانٹڈ، اسد کی تلاش نیپال تک جاری

Umesh Pal Murder: پریاگ راج میں امیش پال کی دن دیہاڑے گولی و بم سے قتل کرنے کے بعد فرار ملزین عتیق احمد کے بیٹے اسد سمیت پانچ مطلوب ملزمین کی گرفتاری یا اطلاع دینے پر پانچ لاکھ روپے کاانعام رکھا گیاہے ۔ یہ رقم پہلے ڈھائی لاکھ تھی اور بعد میں اس رقم کو بڑھا کر پانچ لاکھ روپے کردیا گیا ہے۔

محکمہ داخلہ نے امیش پال کے قتل کیس میں مطلوب اسد، ارمان، غلام، گڈو مسلم اور صابر پر پانچ پانچ روپے کےانعام کا اعلان کرنے کا حکم جاری کیا ہے۔
بہوجن سماج پارٹی کے ایم ایل اے راجو پال قتل کیس کے اہم گواہ امیش پال اور ان کے پولیں سیکورٹی اہلکار سندیپ نشاد کو 24 فروری کو پریاگ راج کے دھومان گنج علاقے میں ان کے گھر کے باہر گولی مار کر ہلاک کر دیا گیا تھا۔ سابق ایم پی عتیق احمد راجو پال قتل کیس کےمرکزی ملزم ہے اور گجرات کی جیل میں بند ہے۔

عتیق احمد کے بیٹے، اہلیہ سمیت 9 پر الزامات

ایک سینئر افسر نے ‘پی ٹی آئی-بھاشا’ کو بتایا کہ پریاگ راج میں امیش پال کے قتل میں ملوث پانچ لوگوں کی گرفتاری یا ان کی اطلاع دینے پر انعام کی رقم 2.5 لاکھ روپے سے بڑھا کر 5 لاکھ روپے کر دی گئی ہے۔ امیش پال کی بیوی جیا پال کی شکایت کی بنیاد پر عتیق احمد، ان کے بھائی اشرف، بیوی شائستہ پروین، دو بیٹوں، ساتھی گڈو مسلم اور غلام سمیت نو دیگر کے خلاف دھوم گنج پولیس اسٹیشن میں کیس درج کیا گیا ہے۔

پولیس نے ملزمان کے خلاف دفعہ 147 (ہنگامہ آرائی)، 148 (مہلک ہتھیاروں سے مسلح ہنگامہ آرائی)، 149 (غیر قانونی اجتماع)، 302 (قتل)، 307 (قتل کی کوشش)، 506 (مجرمانہ دھمکی) اور 120B (مجرمانہ دھمکی) کے تحت مقدمہ درج کیا ہے۔ تعزیرات ہند کے مجرمانہ سازش) اور دھماکہ خیز مواد ایکٹ اور فوجداری قانون ترمیمی ایکٹ کی متعلقہ دفعات کے تحت درج کیا گیا ہے۔
مقدمہ درج کرنے والی جیا پال نے دعویٰ کیا کہ ان کے شوہر راجو پال قتل کیس کےاہم گواہ تھے۔ 2006 میں عتیق احمد اور اس کے ساتھیوں نے انہیں اغوا کرلیااور عدالت میں اپنے حق میں بیان دینے پر مجبور کیاتھا۔ امیش پال نے اس تعلق سے شکایت درج کرائی تھی۔ اس معاملے میں 24 فروری کو سماعت ہوئی تھی، قابل ذکر بات یہ ہے کہ امیش پال، ان کے بھتیجے اور دو سیکورٹی اہلکار سندیپ نشاد اور راگھویندر سنگھ عدالت گئے تھے۔ امیش پال کو ان کی رہائش گاہ کے باہر گولی مار کرقتل کر دیا گیاتھا۔

-بھارت ایکسپریس

Abu Danish Rehman