Azam Khan: ایس پی لیڈر اعظم خان کی بگڑی طبیعت، دہلی کے سر گنگارام اسپتال میں داخل

Azam Khan: ایس پی لیڈر محمد اعظم خان کی طبیعت اچانک بگڑنے کی وجہ سے انہیں دہلی کے سر گنگا رام اسپتال میں داخل کرایا گیا ہے۔ ان کی حالت مستحکم اور زیر نگرانی ہے۔ ذرائع  کے مطابق اعظم خان کو رات 3 بجے سر گنگا رام اسپتال کے سرجری ڈیپارٹمنٹ میں داخل کرایا گیا ہے۔ اعظم  خان کے ساتھ ان کے اہل خانہ بھی موجود ہیں۔ اہل خانہ کا کہنا ہے کہ اعظم خان کی گزشتہ شام روز افطار کے بعد طبیعت بگڑ گئی۔

سر گنگارام اسپتال کے ڈاکٹروں کا کہنا ہے کہ اعظم خان کی حالت فی الحال مستحکم ہے اور ان کی نگرانی کی جا رہی ہے۔ دراصل یوپی حکومت کے سابق وزیر اور ایس پی لیڈر اعظم خان اس سے پہلے بھی کئی بار بیمار ہو چکے ہیں اور گزشتہ سال ستمبر میں انہیں دل کا دورہ پڑنے کے بعد دہلی کے سر گنگا رام اسپتال میں داخل کرایا گیا تھا، جہاں ڈاکٹروں نے اعظم خان کا علاج کیا تھا۔خان کے دل کی انجیو پلاسٹی سرجری کے بعد دل میں سٹینٹ ڈالا گیا۔ اس کے ساتھ ہی اعظم خان ٹانگ میں ہرنیا اور گینگرین کے مسئلے سے نبرد آزما ہیں۔