Scooter rider actor Rajpal Yadav hit the student: اسکوٹر سوار اداکار راجپال یادو نے طالب علم کو ماری ٹکر

Scooter rider actor Rajpal Yadav hit the student:پریاگ راج کے کٹرا علاقے میں ہندی فلم کی شوٹنگ کے دوران اسکوٹر پر سوار اداکار راج پال یادو نے ایک طالب علم کو ٹکر مار دی۔ اس سے وہ زخمی ہو گیا۔ طالب علم نے واقعہ کے تعلق سے کرنل گنج پولیس اسٹیشن میں شکایت درج کرائی ہے اور فلم کی ٹیم پر بدتمیزی کا الزام لگایا ہے۔

اداکار نے پولیس کو شکایت بھی دی ہے کہ طالب علم سمیت کچھ لوگوں نے شوٹنگ میں خلل ڈالنے کی کوشش کی۔

کرنل گنج پولیس اسٹیشن کے اسٹیشن ہاؤس آفیسر رام موہن رائے نے کہا، “اداکار جس اسکوٹر پر سوار تھے وہ پرانا تھا۔ اسکوٹر کا کلچ تار ٹوٹنے کے بعد اداکار نے کنٹرول کھو دیا اور طالب علم کو ٹکر مار دی۔”

پولیس افسر نے کہا کہ طالب علم کو کوئی چوٹ نہیں لگی، معاملے کی تحقیقات کی جا رہی ہے۔

اطلاعات کے مطابق اداکار و کامیڈین راجپال یادو اور ان کی ٹیم نے لکشمی ٹاکیز اسکوائر کے قریب صبح اپنی آنے والی فلم کی شوٹنگ شروع کی۔ شوٹنگ کو دیکھنے کے لیے طلبہ سمیت مقامی لوگوں کی بڑی تعداد موقع پر جمع ہوگئی۔

اس کے بعد ٹیم بینک روڈ کی طرف بڑھی، جہاں یادو کو اسکوٹر پر سوار کرتے ہوئے فلمایا جا رہا تھا۔

راج پال بالی ووڈ کے جانے مانے اداکار ہیں ، ان کے کامیڈی کردار کی سب سے ذیادہ فین دیوانی ہیں ،  چوری چوری چپکے چپکے،سے لیکر بھول بھولیا فلم،سب میں ان کا کامک کردار لوگوں کو خوب پسند آیا ہے۔

راجپال یادو اتر پردیش کے شاہجہاں پور میں پیدا ہوئے۔ ابتدائی تعلیم شاہجہاں پور سے حاصل کی۔ راجپال یادو کو اسکول کے زمانے سے ہی اداکاری کا شوق تھا۔ بعد میں انہوں نے شاہجہاں پور تھیٹر میں شمولیت اختیار کی اور کئی ڈراموں میں حصہ لیا۔

1994-97 کے دوران انہوں نے نیشنل اسکول آف ڈرامہ، دہلی سے اداکاری کی تعلیم حاصل کی۔ اس کے بعد وہ بھارتی فلم انڈسٹری میں اپنا کیرئیر بنانے کے لیے سال 1997 میں ممبئی آگئے۔ انہوں نے دوردرشن کے ٹیلی ویژن سیریل مونگیری کے بھائی نورنگی لال سے اپنا آغاز کیا۔

راجپال یادیو نے دل کیا کرے، مست، شول، جنگل، پیار تونے کیا کیا، کوئی میرے دل سے پوچھے، تمکو نہ بھول پائنگے، کمپنی، ہم کسی سے کم نہیں، چور مچائے شور، ایک اور ایک گیارہ، دی ہیرو: محبت اسٹوری آف اے اسپائی، ہنگامہ، میں مادھوری ڈکشٹ بننا چاہتی ہوں ، مجھ سے شادی کروگی، کیا کول ہے ہم، میں نے پیار کیوں کیا، میں، میری پتنی اور وہ، گرم مسالہ، اپنا سپنا منی منی، مالامال ویکلی، پھر ہیرا پھیری،، لیڈیز ٹیلر جیسی فلموں میں کام کیا ہے۔

بھارت ایکسپریس۔