IMD Alert: گرمی سے  ملے گی  کیا راحت! راجستھان، چھتیس گڑھ سمیت ان ریاستوں بارش کے امکان

IMD Alert:  ابھی مارچ کا آدھا مہینہ بھی نہیں گزرا ہے کہ کئی ریاستوں میں گرمی نے لوگوں کو اذیت دینا شروع کر دیا ہے۔ درجہ حرارت تیزی سے بڑھ رہا ہے۔  قابل  ذکر  بات یہ ہے کہ آئندہ چنددنوں میں بارش کا امکان ہے۔ محکمہ موسمیات کے مطابق کئی ریاستوں میں ہفتہ 11 مارچ کو غیر موسمی بارش متوقع ہے۔ گجرات، راجستھان، مدھیہ پردیش، مہاراشٹر، چھتیس گڑھ، جھارکھنڈ اور مغربی بنگال کے لوگوں کو گرمی سے کچھ سکون اور راحت  ملنے کی امید ہے ۔

محکمہ موسمیات کے مطابق 13 سے 18 مارچ تک وسطی اور جنوبی ہندوستان میں گرج چمک کے ساتھ بارش اور ژالہ باری کا امکان ہے۔ آئی ایم ڈی کےمطابق ہے ان ریاستوں میں ‘گرمی کی لہر’ کا اثر کم ہو جائے گا۔ شمالی ہندوستان میں بارش کی کوئی پیش گوئی نہیں ہے۔ دہلی، اتر پردیش، ہریانہ اور پنجاب میں عام درجہ حرارت برقرار رہے گا۔

دہلی میں آج موسم کیسا رہے گا؟

دہلی میں آج موسم صاف رہنے کی امید ہے۔ دن بھر تیز سورج کی روشنی رہے گی ،اس واضح سے لوگوں کو  گرمی سے سکون ملنا مشکل ہے ۔ قابل ذکر بات یہ  ہے کہ شام کے وقت کچھ علاقوں میں مطلع ابر آلود رہ سکتا ہے۔ آئی ایم ڈی کے مطابق دہلی کا زیادہ سے زیادہ درجہ حرارت 32 ڈگری سیلسیس اور کم سے کم درجہ حرارت 19 ڈگری سیلسیس رہے گا۔

گرمی کی لہر کہاں جائے گی؟

محکمہ موسمیات کے مطابق جنوبی ہند کے بعض علاقوں میں گرمی کی لہر کا امکان ہے۔ آج ساحلی کرناٹک، کونکن اور گوا میں لوگوں کو گرمی کی لہر کی وجہ سے کافی پریشانی کا سامنا کرنا پڑ سکتا ہے۔ گرمی کی لہر کی وجہ سے ان علاقوں میں درجہ حرارت اوپر کی طرف بھی جا سکتا ہے۔ قابل  ذکر با ت یہ ہے کہ ان دنوں میں بارش کا امکان ہے جس کی وجہ سے درجہ حرارت 2 سے 3 ڈگری سینٹی گریڈ تک کم ہو سکتا ہے۔