Militant attacks in Kashmir: عمر عبداللہ نے کشمیر میں دو ملی ٹینٹ حملوں کی مذمت کی

سری نگر: نیشنل کانفرنس (این سی) کے لیڈر عمر عبداللہ نے اتوار کے روز جموں و کشمیر کے شوپیاں اور اننت ناگ اضلاع میں دو ملی ٹینٹ حملوں کی مذمت کی۔ ان حملوں میں بھارتیہ جنتا پارٹی (بی جے پی) کا ایک سابق سرپنچ ہلاک جبکہ راجستھان کا ایک سیاح جوڑا زخمی ہو گیا۔

جے پور سے آنے والے سیاح فرح اور تبریز ضلع اننت ناگ کے پہلگام میں دہشت گردانہ حملے میں زخمی ہوئے اور سابق سرپنچ اور بی جے پی کے سابق سرپنچ اعزاز احمد شیخ شوپیاں ضلع میں دہشت گردوں کے ہاتھوں مارے گئے۔

عمر عبداللہ نے سوشل میڈیا پلیٹ فارم ‘X’ پر ایک پوسٹ میں کہا، “جنوبی کشمیر میں سیاحوں اور بی جے پی کے ایک کارکن پر ملی ٹینٹ حملے کے بارے میں سن کر بہت دکھ ہوا۔ میں ان مہلک حملوں کی شدید مذمت کرتا ہوں۔ اعزاز احمد کے اہل خانہ سے میری تعزیت۔ اللہ ان کو جنت میں جگہ دے۔ جے پور، راجستھان کے رہنے والے تبریز اور فرح کی صحت یابی کے لیے دعا گو ہوں۔

بتا دیں کہ یہ ملی ٹینٹ حملے ایسے وقت میں ہوئے ہیں جب اننت ناگ-راجوری سیٹ پر لوک سبھا انتخابات کی مہم چل رہی ہے۔ لوک سبھا انتخابات کے پانچویں مرحلے میں بارہمولہ سیٹ پر پیر کے روز ووٹنگ ہوگی۔

اننت ناگ سیٹ کے لیے ووٹنگ 7 مئی کو ہونی تھی، لیکن کچھ سیاسی جماعتوں کی جانب سے جموں و کشمیر میں موسمی حالات پر تشویش کے اظہار کے بعد اسے ملتوی کر دیا گیا۔ اب اس سیٹ پر ووٹنگ 25 مئی کو ہوگی۔

بھارت ایکسپریس۔