Mushaira organized in Barabanki:بارہ بنکی میں ’انجمن تاجدار حرم’ کے زیر اہتمام مشاعرہ منعقد

 سا قد میں کیا اونچا ہوا ہے

مرے لہجے میں بیٹا بولتا ہے

 ضمیر فیضی رام نگری

جسے بھی دیکھو جہنم میں ڈال دیتے ہو

 تمہارے ہاتھ میں کیا مغفرت کا ٹھیکا ہے

عثمان مینائی

در ج ہے  تاریخ  کے  اوراق  پر  اپنا عمل

خوں کے دریا میں ابھرنا ڈوب کر اچھا لگا

 مشتاق بزمی

وہاں پہ قہر الہی کا انتظار کرو

جہاں پہ ظلم و تشددکی روک تھام نہیں

 کلیم طارق

سچ اگر بول دیتا محفل میں

 کتنے  چہرے اتر گئے  ہوتے

وسیم رام پوری

حیا اور شرم  زیور ان کا پردہ ان کی زینت ہے

دوپٹے کے بنا یہ لڑکیاں اچھی نہیں لگتی

 علی بارہ بنکوی

عدل کی کوئی کرن ہم کو نظر آتی نہیں

 بھیج پھر عادل کوئی فاروق سا میرے خدا

حسان ساحر

کرشمہ ہے ہماری محنتوں کا

 کمائی کم مگر برکت بہت ہے

 جمیل اختر زید پوری

نہ ایک سال نہ اک دن نہ اک گھڑی کے لیے

 بھلا دیا ہے تجھے ساری زندگی کے لیے

 قاری پرویز یزدانی

حشر تک بجھ نہ پائیں گے وہ چراغ

جو  مرے  خون  سے  جلائے  گئے

 اسلم سیدن پوری

حالات  زندگی  کے  کچھ ایسے  بدل گئے

 شعلوں سے بچ گئے تھے تو  شبنم سے جل گئے

شاداب سرل

تجھ سے بچھڑ کے دل کا عجب حال ہو گیا

کروٹ  بدل  بدل  کے  ہی  سونا  پڑا مجھے

عتیق فتح پوری

اس موقع پر قرب و جوار کے علم دوست اور ادب نواز وں کی کثیر تعداد موجود تھی،جنہوں نے اس ادبی تقریب کو کامیاب بنانے میں اہم رول ادا کیا۔