خان پور کے رکن اسمبلی امیش کمار (فائل فوٹو)
Umesh Kumar: خدمت خلق کا جذبہ ہو تو انسان سماج کے مسائل کو اپنی پریشانی سمجھ کر اسے حل کرنے کے لئے جدوجہد کرتا ہے۔ اتراکھنڈ کے خان پور اسمبلی حلقہ کی نمائندگی کرنے والے امیش کمار نے وہ جذبہ دکھایا ہے، جس کی سوشل میڈیا پر جم کر تعریف ہو رہی ہے۔ امیش کمارکے اس فیصلے کو سوشل میڈیا یوزرس تاریخی قرار دے رہے ہیں اورعوام کے درمیان وہ ایک مسیحا بن کر سامنے آئے ہیں۔ امیش کمار نے 22 اجتماعی شادی کرانے کا فیصلہ کیا ہے۔ یہ اجتماعی شادیاں 28 جنوری کو ہری دوار کے خان پور میں منعقد کی جائیں گی۔
شادیوں کا یہ پروگرام اتراکھنڈ کےہری دوار کے لکسر میں چندن پیلیس میں منعقد کیا جائے گا۔ خاص بات یہ ہے کہ شادیوں کے اس پروگرام میں مختلف مذاہب کے لوگوں کی شادیاں کرائی جائیں گی۔ اس پروگرام میں کرشمہ ہمراہ پرشانت، اجیتا ہمراہ اجیش، سواتی ہمراہ نکھل، پرینکا ہمراہ آشو، آشو ہمراہ سکرمپال، سواتی ہمراہ انکت، سواتی ہمراہ انکش، کومل ہمراہ راہل، پریتی ہمراہ ارجن، مانیکا ہمراہ سریندر، شیوانی ہمراہ آکاش، سونیا ہمراہ اویلاش، کاجل ہمراہ ملن، حسن جہاں ہمراہ سلیمان، فرمانی ہمراہ افضال، راکھی ہمراہ شبھم، شالو ہمراہ گگن، نور جہاں ہمراہ پرویز، بھوریا ہمراہ انکت، انجم ہمراہ عثمان، عائشہ ہمراہ شاہ ویزاورفرزانہ ہمراہ امجد کی شادیاں منعقد کرائی جائیں گی۔
امیش کمار نے ‘بھارت ایکسپریس ڈیجیٹل’ سے بات کرتے ہوئے بتایا کہ 28 جنوری 2023 کو جو 22 اجتماعی شادیاں کرائی جا رہی ہیں، اس میں 5 مسلم جوڑے اور 17 ہندو مذہب کے جوڑے شامل ہیں۔ ان جوڑوں کی شادیاں ان کے مذہب کے مطابق کرائی جائیں گی۔ اس سے پہلے مئی 2022 میں 15 جوڑوں کی شادیاں بھی وہ کرا چکے ہیں۔ تمام جوڑوں کو ضرورت کے تمام سامان بھی دیئے جاتے ہیں۔ ان کا کہنا ہے کہ سماج میں کوئی بھی ایسی لڑکی نہ رہے، جس کے والدین نہ ہوں یا کسی بچی کے والدین کو قرض لے کراپنی بیٹی کی شادی کرنی پڑے۔ ایک سوال کے جواب میں انہوں نے یہ بھی بتایا کہ یہ خیال میرے ذہن میں بہت پہلے سے تھا، لیکن ایم ایل اے بننے کے بعد میں نے اس کو یقینی بنایا۔ انہوں نے بتایا کہ ایک کمپاؤنڈ میں ہندو بھی ہوتے ہیں اورمسلم بھی ہوتے ہیں اورسب آپس میں مل کراس تقریب میں شامل ہوتے ہیں۔ اطلاعات کے مطابق، اس تقریب میں 10 ہزار لوگوں کے شامل ہونے کی امید ہے۔
کون ہیں امیش کمار؟
44 سالہ امیش کمار 2022 کے اتراکھنڈ اسمبلی انتخابات میں خان پور حلقہ سے آزاد امیدوار کے طور پر کامیابی حاصل کی ہے۔ الیکشن کمیشن میں داخل کردہ انتخابی حلف نامے کے مطابق ان کا پیشہ زراعت اور میڈیا ایڈوائزر ہے۔ امیش کمار گریجویٹ ہیں اور وہ تقریباً 9 کروڑ جائداد کے مالک ہیں۔
-بھارت ایکسپریس
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…