Manipur Accident :منی پور میں خوفناک سڑک حادثہ، طلباء کی بس پلٹی، ایک درجن سے زائد طلباء ہلاک

منی پور(Manipur) کے نونی ضلع میں بدھ کو ایک خوفناک سڑک حادثہ پیش آیا۔ جس میں ایک درجن سے زائد طلباء جاں بحق ہو گئے۔ حادثے کے بعد موقع پر کہرام مچ گیا۔ موقع پر افراتفری مچ گئی۔ بتایا جا رہا ہے کہ یہ حادثہ طلباء کو لے جانے والی دو بسوں کے کنٹرول کھو جانے کے بعد پیش آیا۔ بس بے قابو ہو کر الٹ گئی۔ جس میں کم از کم 15 طلباء کی ہلاکت کا خدشہ ہے۔ یہ حادثہ منی پور کے نونی ضلع میں بشنو پورکھاپم روڈ پر پیش آیا۔

اطلاعات کے مطابق طالب علموں کو لے جانے والی دو بسوں کا تعلق یاریپوک کے تھامبلانو ہائیر سیکنڈری اسکول سے تھا۔ دونوں بسوں میں سکول کے بچے سوار تھے۔ بسیں اسٹڈی  ٹور کے لیے کھپم جا رہی تھیں۔ اس دوران دونوں بسیں بے قابو ہونے کے باعث الٹ گئیں۔ جس میں 15 طلباء کی ہلاکت کا خدشہ ہے۔ اگرچہ ابھی تک مرنے والوں کی تعداد کی تصدیق نہیں ہو سکی ہے۔

حادثے کے بعد موقع پر کہرام مچ گیا۔ مقامی لوگوں نے موقع پر پہنچ کر مدد کی۔ زخمیوں کو اسپتال لے جایا گیا۔ تمام زخمی اسپتال میں زیر علاج ہیں۔ اطلاع ملتے ہی پولیس بھی موقع پر پہنچ گئی۔ جس کے بعد معاملے کی تحقیقات شروع کر دی گئی ہیں۔