Fire in Delhi’s Geeta Colony: دہلی کی گیتا کالونی کی کثیر المنزلہ عمارت میں لگی آگ، 4 افراد ہلاک، متعدد زخمی

Fire in Delhi’s Geeta Colony: دہلی کی گیتا کالونی علاقے میں جمعرات کی صبح ایک کثیر المنزلہ عمارت میں زبردست آگ لگ گئی۔ آگ لگنے کی اطلاع ملتے ہی کئی فائر ٹینڈرز کو موقع پر بھیج دیا گیا۔ فائر ڈیپارٹمنٹ کے مطابق آگ گیتا کالونی علاقے کے شاستری نگر میں واقع چار منزلہ عمارت میں لگی۔ جائے حادثہ سے 9 افراد کو بحفاظت نکال لیا گیا ہے۔ جبکہ اب تک موصول ہونے والی اطلاعات کے مطابق اس واقعے میں چار افراد ہلاک ہو چکے ہیں۔ پولیس نے مرنے والوں کی شناخت 30 سالہ منوج، 28 سالہ سمن اور پانچ اور تین سال کی دو لڑکیوں کے طور پر کی ہے۔

پولیس کی اب تک کی تفتیش میں یہ بات سامنے آئی ہے کہ آگ عمارت کی پارکنگ میں لگی اور کچھ ہی دیر میں اس نے پوری عمارت کو اپنی لپیٹ میں لے لیا۔ جس عمارت میں آگ لگی وہ ایک تنگ گلی کے اندر تھی اس لیے فائر ڈیپارٹمنٹ کو ریسکیو آپریشن کرنے میں مشکلات کا سامنا کرنا پڑا۔ فائر ڈیپارٹمنٹ نے عمارت سے 9 افراد کو بحفاظت باہر نکال لیا ہے، جو اس وقت اسپتال میں زیر علاج ہیں۔ آگ لگنے کے پیچھے وجوہات کی ابھی تحقیقات کی جا رہی ہیں۔

ایک سینئر پولیس افسر نے کہا، ’’ہمیں صبح تقریباً 5.20 بجے گیتا کالونی کے قریب شاستری نگر میں زبردست آگ لگنے کی اطلاع ملی۔ ہم نے فوراً دہلی فائر سروس کو مطلع کیا۔ پولیس کی ایک ٹیم، چار فائر انجن، ایمبولینس اور پی سی آر وین کو موقع پر روانہ کیا گیا۔

یہ بھی پڑھیں- Delhi Police: دہلی کے غازی پور میں بے قابو کار نے 15 افراد کو کچلا، ایک خاتون کی موت، 6 کی حالت تشویشناک

پولیس نے بتایا کہ جس عمارت میں آگ لگی اس کی چار منزلیں ہیں اور گراؤنڈ فلور پر کار پارکنگ ہے۔ انہوں نے کہا کہ آگ پارکنگ سے شروع ہوئی اور دھواں پوری عمارت میں پھیل گیا۔ افسر نے بتایا، “سڑک تنگ ہونے کے باوجود، فائر اہلکار موقع پر پہنچ کر آگ پر قابو پانے میں کامیاب رہے۔”  ہر منزل کی تلاشی لی گئی۔ تین مردوں، چار خواتین اور دو بچوں کو وہاں سے نکال کر ہیڈگیوار اسپتال بھیج دیا گیا۔

-بھارت ایکسپریس