Rajnath Singh Corona Positive: وزیر دفاع راج ناتھ سنگھ کورونا پازیٹیو ، خود کو گھر میں کیا آئسولیٹ

Rajnath Singh Corona Positive: وزیر دفاع راج ناتھ سنگھ کورونا سے متاثر پائے گئے ہیں۔ عہدیداروں نے یہ اطلاع دی۔ انہوں نے کہا کہ وزیر دفاع راج ناتھ سنگھ اس وقت معمولی علامات کے ساتھ ہوم قرنطینہ میں ہیں۔ وزارت دفاع نے کہا کہ ڈاکٹروں کی ایک ٹیم نے ان کا معائنہ کیا اور انہیں آرام کا مشورہ دیا۔
بدھ کو وزیر دفاع راج ناتھ سنگھ نے دہلی کے مانیک شا سینٹر میں منعقدہ کمانڈرز کانفرنس میں شرکت کی۔ دوسری جانب راج ناتھ سنگھ نے آج 20 اپریل کو نئی دہلی میں بھارتی فضائیہ کے کمانڈروں کی کانفرنس میں شرکت کرنی تھی۔ لیکن کورونا مثبت آنے کے بعد وہ آج اس کانفرنس میں شرکت نہیں کریں گے۔