Gujarat University: گجرات یونیورسٹی میں نماز کی ادائیگی پر تنازع، وی ایچ پی نے چھڑکا گنگا جل ، ہنومان چالیسہ پڑھا

Gujarat University: گجرات کے دو طالب علموں کی نماز پڑھنے کا ویڈیو سوشل میڈیا پر تیزی سے وائرل ہو رہا ہے۔ وائرل ہونے والا ویڈیو ریاست کے وڈودرا شہر میں مہاراجہ سیاجیراؤ یونیورسٹی (MSU) کے کیمپس کا ہے، جہاں دو طالب علم نماز پڑھ رہے ہیں۔

معلومات کے مطابق یونیورسٹی کے شعبہ کامرس میں امتحان دینے کے لیے آئے دو طالب علموں نے کیمپس میں ہی نماز ادا کی تھی۔ آپ کو بتا دیں کہ اس سے کچھ دن پہلے ایم ایس یو کیمپس کے قریب ایک ویڈیو وائرل ہوا تھا، جس میں سنسکرت کالج کے مین گیٹ کے باہرایک جوڑے نے نماز پڑھی پڑھی تھی۔ اب ایک بار پھر ایسی ہی ویڈیو نے ہنگامہ کھڑا کر دیا ہے۔

وشو ہندو پریشد نے کیمپس میں ہنومان چالیسہ کا ورد کیا

اس واقعہ کے خلاف وشو ہندو پریشد (VHP) کے کارکنوں نے احتجاج کرتے ہوئے یونیورسٹی کیمپس میں ہنومان چالیسہ کا ورد کیا۔ VHP کارکنوں نے الزام لگایا ہے کہ یونیورسٹی کیمپس میں ایک سازش کے تحت نماز پڑھی گئی ہے۔

کہا جا رہا ہے کہ VHP کارکنوں نے احاطے میں گنگا جل چھڑک کر ہنومان چالیسہ کا ورد کیا۔ اس کے علاوہ VHP نے اس معاملے کی تحقیقات کا بھی مطالبہ کیا ہے۔

امتحان سے پہلے اداکی نماز

واقعے کے تناظر میں یونیورسٹی کے پبلک ریلیشن آفیسر (PRO) کا کہنا ہے کہ معاملے کی اطلاع ملتے ہی یونیورسٹی کی ویجیلنس ٹیم موقع پر پہنچ گئی۔ کیمپس میں جاری امتحان کے پیش نظر امن و امان برقرار رکھنے کے لیے پولیس کو طلب کیا گیا تھا۔ انہوں نے کہا کہ نماز پڑھنے والے دونوں طلباء بی کام سیکنڈ ایئر کے طلباء ہیں۔

امتحان میں آنے سے پہلے انہوں نے کیمپس میں نماز ادا کی تھی۔ انہوں نے کہا کہ یونیورسٹی انتظامیہ ان دونوں کو کونسلنگ کے لیے بلا کر بتائے گی کہ یہ ایک تعلیمی ادارہ ہے۔ انہیں یہاں ایسی سرگرمیوں سے باز رہنا چاہیے۔

یہ بھی پڑھیں- Shahi Imam:گجرات  کی جامع مسجد کے شاہی امام نے کہا کہ مسلم خواتین کو ٹکٹ دینے والے اسلام کے مخالف

اس سے پہلے بھی پڑھی جا چکی ہے نماز

بتایا جا رہا ہے کہ اس سے قبل 24 دسمبر کو یونیورسٹی میں نماز کا ایک ویڈیو سامنے آیا تھا۔ اس دن سی سی سی امتحان کے دوران آنے والےایک  جوڑے نے یونیورسٹی کیمپس کے باہر ایک گیٹ کے سامنے کھڑے ہو کر نماز پڑھی۔ ویڈیو چیک کرنے پر معلوم ہوا کہ وہ کسی اور شہر سے آئے تھے۔ ان کے ساتھ ان کا بیٹا یا بیٹی بھی تھا جو اس امتحان میں بیٹھنے آیا تھا۔

امتحان یونیورسٹی کے قریب ایک اور عمارت میں منعقد ہوا۔ تاہم انہیں ایسا کرتے دیکھ کر سکیورٹی گارڈ فوراً وہاں پہنچے اور انہیں کہیں اور نماز پڑھنے کو کہا۔ اس پر انہوں نے معذرت کی اور چلے گئے۔

-بھارت ایکسپریس