Cold Wave: دہلی یوپی سمیت شمالی ہندوستان میں سردی کی شدت برقرار ،دہلی این سی آر میں یلو الرٹ

Cold Wave:پیر کو دہلی میں کم سے کم درجہ حرارت 1.4 ڈگری سیلسیس ریکارڈ کیا گیا۔ دوسری طرف، دہلی کے صفدرجنگ میں آج کم سے کم درجہ حرارت 4.6 ڈگری سیلسیس ریکارڈ کیا گیا، پالم میں صبح 5.30 بجے تک کم سے کم درجہ حرارت 6.0 ڈگری سیلسیس ریکارڈ کیا گیا۔ دہلی میں سرد لہر کو لے کر یلو الرٹ بھی جاری کیا گیا ہے۔ اس کے ساتھ ہی شملہ میں برف باری کی وجہ سے سیاحوں کی تعداد میں اضافہ ہوا ہے۔ اس دوران سیاح برف باری سے لطف اندوز ہوتے نظر آئے۔
18 سے 20 جنوری کے دوران جموں کشمیر، لداخ، مظفرآباد، ہماچل پردیش اور اتراکھنڈ میں ہلکی بارش اور برفباری کا امکان ہے۔ دریں اثنا، دوسرا ویسٹرن ڈسٹربنس 20 سے 24 جنوری تک جموں و کشمیر، ہماچل پردیش اور اتراکھنڈ میں بارش اور برف باری کا باعث بن سکتا ہے۔ 20 سے 22 جنوری کے درمیان شمال مغربی ہندوستان کے میدانی علاقوں میں بھی بارش کی پیشن گوئی کی گئی ہے۔

پٹیالہ، پٹھان کوٹ اور گرداسپور میں بھی سردی کی لہر برقرار رہی اور کم سے کم درجہ حرارت بالترتیب 2.3، 4.7 اور تین ڈگری سیلسیس رہا۔ پنجاب اور ہریانہ کے مشترکہ دارالحکومت چندی گڑھ میں کم سے کم درجہ حرارت 4.2 ڈگری سیلسیس ریکارڈ کیا گیا۔ حصار ہریانہ کا سب سے سرد مقام رہا۔ حصار میں کم سے کم درجہ حرارت 0.8 ڈگری سیلسیس ریکارڈ کیا گیا، جبکہ امبالہ میں یہ 5.6 ڈگری سیلسیس تھا۔ کرنال، نارنول، روہتک، بھیوانی اور سرسا میں بالترتیب کم سے کم درجہ حرارت دو، تین، 2.2، 4.1 اور 1.5 ڈگری سیلسیس ریکارڈ کیا گیا۔ساتھ ہی ناردرن ریلوے زون میں دھند کی وجہ سے 15 ٹرینیں تاخیر سے چل رہی ہیں۔

سموگ کا ہماری صحت پر بہت زیادہ اثر پڑتا ہے۔ سموگ زہریلے ذرات پر مشتمل ہوتا ہے جیسے نائٹروجن آکسائیڈ، غیر مستحکم نامیاتی مرکبات اور سلفر ڈائی آکسائیڈ۔
درجہ حرارت میں کمی کی وجہ سے کئی بیماریوں کا خطرہ ہونے کے امکانات بڑھ جاتے ہیں ۔ سردی کے  موسم ہونے کی وجہ سے نزلہ، زکام، دمہ اور نمونیا جیسی بیماریاں ہونے لگتی  ہیں ۔ ایسے میں سردیوں میں اپنی صحت کا خاص خیال رکھنا ضروری ہو جاتا ہے۔

-بھارت ایکسپریس