عام آدمی پارٹی کے قومی کنوینر اروند کیجریوال
دہلی ہائی کورٹ نے دہلی کے وزیر اعلی اروند کیجریوال کی طرف سے اگروال ووٹروں کے ناموں کو حذف کرنے کے الزام کے خلاف دائر مجرمانہ ہتک عزت کے مقدمے میں راؤز ایونیو کورٹ کی طرف سے جاری سمن کو چیلنج کرنے والی درخواست کو مسترد کر دیا ہے۔ دہلی ہائی کورٹ نے کیجریوال اور دیگرلیڈران کے خلاف دائر مجرمانہ ہتک عزت کے مقدمے کو منسوخ کرنے سے انکار کر دیا ہے۔ ساتھ ہی عدالت نے کیجریوال، آتشی اور دیگر کو ٹرائل کورٹ میں حاضر ہونے کا حکم دیا ہے۔ یہ حکم جسٹس انوپ کمار مہدیرتا نے دیا ہے۔
بی جے پی لیڈر نے 2019 میں عرضی داخل کی تھی۔
آپ کو بتاتے چلیں کہ دہلی بی جے پی لیڈر راجیو ببر کی جانب سے 2019 میں داخل کی گئی درخواست میں کجریوال کے علاوہ آتشی، منوج کمار اور سشیل کمار گپتا کو ملزم بنایا گیا تھا۔ جس پر عدالت نے کیجریوال اور دیگر کو سمن جاری کرتے ہوئے پیش ہونے کا حکم دیا تھا۔
عدالت نے فیصلہ محفوظ کر لیا تھا۔
اس سے قبل 28 مئی کو دہلی ہائی کورٹ نے دونوں فریقوں کی جرح کے بعد فیصلہ محفوظ کر لیا تھا۔ راجیو ببر نے الزام لگایا ہے کہ کیجریوال نے سوشل میڈیا پر لوگوں کو بی جے پی کے خلاف بھڑکانے کی کوشش کی۔ دہلی کی ووٹر لسٹ سے اگروال برادری کے لوگوں کے نام ہٹانے سے متعلق دہلی کے وزیر اعلی اروند کیجریوال کے بیان کے خلاف مجرمانہ ہتک عزت کی درخواست دائر کی گئی ہے۔
اگروال برادری کا نام ووٹر لسٹ سے حذف کرنے کا الزام
اگروال برادری کے لوگوں کے نام ووٹر لسٹ سے ہٹانے کو لے کر بی جے پی اور عام آدمی پارٹی کے لیڈروں کے درمیان الزامات لگائے گئے۔ بی جے پی پر نشانہ لگاتے ہوئے عام آدمی پارٹی کے لیڈروں اور خود اروند کیجریوال نے کہا تھا کہ بی جے پی نے دہلی کے کل 8 لاکھ بنیا ووٹروں میں سے چار لاکھ کے نام کیوں حذف کیے، جواب دیں۔ نوٹ بندی اور جی ایس ٹی جیسی بی جے پی کی غلط پالیسیوں کی وجہ سے تاجروں کے کاروبار تباہ ہو گئے۔ اسی لیے بنیا اس بار بی جے پی کو ووٹ نہیں دے رہے ہیں۔ تو کیا اس کا مطلب ہے کہ آپ ان کے ووٹ کاٹ دیں گے؟ کیا آپ اس طرح جیت جائیں گے؟
بھارت ایکسپریس۔
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…