Asaduddin Owaisi on Republic Day 2024: نفرت کے خلاف چلے بلڈوزر، ناانصافی کا ہو انکاؤنٹر، یوم جمہوریہ کے موقع پر اسد الدین اویسی کا بیان

آل انڈیا مجلس اتحاد المسلمین کے سربراہ اسد الدین اویسی نے جمعہ (26 جنوری) کو یوم جمہوریہ کے موقع پر مستقبل کے ہندوستان  سے متعلق اپنے خیالات کا اظہار کیا۔ اسد الدین اویسی نے مائیکرو بلاگنگ سائٹ پر پوسٹ کیا۔

یوم جمہوریہ کے موقع پر اسد الدین اویسی نے حیدرآباد میں کئی مقامات پر پرچم کشائی کی۔ حیدرآباد کے رکن پارلیمنٹ اسد الدین اویسی نے جمعہ کو شہر کے مغل پورہ میں مدرسہ جمعیت المومنات میں ترنگا لہرایا۔ اس کے بعد انہوں نے شہر کے مدینہ سرکل پر قومی پرچم بھی لہرایا۔ اس سے پہلے اسد الدین اویسی نے ایک اور پروگرام میں ترنگا لہرایا اور لوگوں کو یوم جمہوریہ کی مبارکباد دی۔

تلنگانہ کے گورنر نے بھی پرچم کشائی کی

پورا تلنگانہ یوم جمہوریہ کے رنگوں میں رنگا نظر آیا۔ جمعہ کی صبح، تلنگانہ کے گورنر تملائی سائوندری رنجن نے سکندرآباد کے پریڈ گراؤنڈ میں قومی پرچم لہرایا۔ اس دوران وزیر اعلی  ریونت ریڈی بھی وہاں موجود تھے۔ پرچم کشائی کے بعد انہوں نے سلامی بھی دی۔

تمل ناڈو میں بھی قومی پرچم لہرایا گیا۔

تمل ناڈو کے  گورنر آر این روی نے چنئی میں قومی پرچم لہرایا۔ اس کے بعد ترنگے کو سلامی دی گئی۔ اس پروگرام میں ان کے ساتھ تمل ناڈو کے سی ایم ایم کے اسٹالن بھی موجود تھے۔ دوسری جانب راجستھان کے وزیر اعلیٰ بھجن لال شرما نے اپنی سرکاری رہائش گاہ پر ترنگا لہرایا اور ریاست کے عوام کو یوم جمہوریہ کی مبارکباد دی۔

ان ریاستوں میں بھی یوم جمہوریہ منایا گیا۔

اس کے علاوہ اتراکھنڈ کے وزیراعلیٰ پشکر سنگھ دھامی، بہار کے وزیراعلیٰ نتیش کمار، دہلی کے وزیراعلیٰ اروند کیجریوال، اتر پردیش کے وزیراعلیٰ یوگی آدتیہ ناتھ، مدھیہ پردیش کے وزیراعلیٰ موہن یادو، چھتیس گڑھ کے وزیراعلیٰ موہن یادو، ہماچل پردیش کے وزیراعلیٰ سکھبیر سنگھ سکھو اور پنجاب کے وزیراعلیٰ بھگونت مان نے یوم جمہوریہ کے موقع پر قومی پرچم بھی لہرایا۔