UP Assembly Winter Session 2024: اتر پردیش اسمبلی کا سرمائی اجلاس آج سے شروع، سنبھل اور بہرائچ میں حالیہ تشدد پر ایوان میں ہنگامہ ہونے کا امکان

اتر پردیش اسمبلی کا سرمائی اجلاس آج سے شروع ہو رہا ہے۔ سنبھل اور بہرائچ میں حالیہ تشدد پر ایوان میں ہنگامہ ہونے کا امکان ہے۔ اس کے ساتھ ہی اپوزیشن بے روزگاری، بجلی کی نجکاری، کسانوں کے مسائل اور دیگر مسائل اٹھانے کی بھی تیاری کر رہی ہے۔ اجلاس کے پہلے دن ایوان میں رسمی کام کیا جائے گا۔ ساتھ ہی، چار دن تک جاری رہنے والے اس مختصر سیشن میں حکومت 17 دسمبر کو ایوان میں کچھ اہم بلوں کے ساتھ ساتھ ضمنی بجٹ بھی پیش کر سکتی ہے۔ ضمنی بجٹ 12-15 ہزار کروڑ روپے کے درمیان ہونے کا امکان ہے۔

حکومت اپنی سہولت کے مطابق اجلاس چلاتی ہے- ایس پی

ریاستی اسمبلی میں اپوزیشن لیڈر اور ایس پی کے سینئر لیڈر ماتا پرساد پانڈے نے کہا، ‘جب حکومت عوام کی بات نہیں سنتی ہے تو اپوزیشن کو زبردستی اپنی بات زور دار طریقہ سے اپنی بات رکھنی پڑتی ہے۔ سیشن زیادہ سے زیادہ دن چلنا چاہیے لیکن وہ اسے اپنی سہولت کے مطابق چلاتے ہیں۔ قاعدہ یہ ہے کہ سیشن سال میں کم از کم 90 دن چلنا چاہیے لیکن ایسا نہیں ہوتا۔

سیشن کے دوران ان کی پارٹی یا اپوزیشن کی طرف سے اٹھائے جانے والے مسائل کے بارے میں پوچھے جانے پر، انہوں نے کہا، ‘ہم مفاد عامہ کے مسائل اٹھائیں گے۔ سب سے اہم بات یہ ہے کہ سنبھل اور بہرائچ جیسے فرقہ وارانہ واقعات ہوئے ہیں۔ کسانوں کے مسائل ہیں، بجلی، مہنگائی وغیرہ۔ ہم ان سب کی طرف حکومت کی توجہ مبذول کرانے کی کوشش کریں گے۔

اس کے علاوہ انہوں نے سنبھل میں مندرملنے سے متعلق  وزیر اعلی یوگی آدتیہ ناتھ کے تبصرہ پر بھی ردعمل ظاہر کیا۔ سوال کرتے ہوئے انہوں نے کہا کہ وزیر اعلیٰ یوگی نے اپنے خیالات کا اظہار کیا اور انہیں ایسا کرنے کا حق ہے۔ لیکن، اب مندر کیوں ملا؟ کیا اس کی کھدائی کی گئی تھی یا یہ پہلے سے موجود تھی اور حال ہی میں اس کی نشاندہی کی گئی تھی؟

بھارت ایکسپریس